لیڈی گاگا کی منگنی کی افواہیں سرگرم

امریکی معروف گلوکارہ و اداکارہ لیڈی گاگا کی بوائے فرینڈ مائیکل پولانسکی کے ساتھ منگنی کی افواہوں نے زور پکڑ لیا۔ لیڈی گاگا کو ایک بڑے ہیرے کی نئی انگوٹھی پہنے دیکھا گیا جس نے ان کی منگنی کی خبروں کو ہوا دے دی۔

غیرملکی میڈیا رپورٹس میں دعویٰ کیا جارہا ہے کہ لیڈی گاگا کے ہاتھ میں نظر آنے والی ہیرے کی بڑی سی اور مخصوص انداز میں تراشی گئی انگوٹھی زیادہ تر منگنی کے لیے پہنی جاتی ہے۔

لیڈی گاگا کی اس انگوٹھی کی تصاویر سوشل میڈیا پر جاری ہوتے ہی وائرل ہوگئیں اور صارفین اس پر تبصرے کرتے دکھائی رہے ہیں۔ سوشل میڈیا صارفین یہ گماں کر رہے ہیں کہ غالباً لیڈی گاگا تیسری منگنی کرچکی ہیں۔

خیال رہے کہ گلوکارہ لیڈی گاگا اور اُن کے بوائے فرینڈ، بزنس مین مائیکل پولانسکی کے تعلقات پہلی بار دسمبر 2019ء میں منظر عام پر آئے تھے۔ لیڈی گاگا اور مائیکل کے تعلقات سے متعلق امریکی میڈیا ذرائع کا کہنا ہے کہ یہ جوڑی ایک ساتھ ہے اور ان کا رشتہ دن بہ دن مضبوط ہو رہا ہے۔