سینیئر صحافی و تجزیہ مجیب الرحمان شامی نے کہا ہے کہ سابق آرمی چیف جنرل (ر) باجوہ نے عمران خان کی حکومت گرانے کے الزام کو رد کیا ہے۔
جنرل (ر) باجوہ سے ملاقات کرنے والے سینیئر صحافی مجیب الرحمان شامی نے ’وی نیوز‘ کو خصوصی انٹرویو دیا ہے۔
مجیب الرحمان شامی نے کہاکہ سابق چیف آف آرمی اسٹاف جنرل قمر جاوید باجوہ کے مطابق وہ عمران خان کی حکومت گرانے میں ملوث نہیں تھے نہ ہی ان کو اس کی کوئی ضرورت تھی۔
مجیب الرحمان شامی کے مطابق جنرل (ر) باجوہ سے جب باتیں شروع ہوئیں تو انہوں نے جیب سے قرآن مجید نکال لیا اور کہا کہ میں قسم کھا کر کہتا ہوں کہ نواز شریف کو لندن بجھوانے میں میرا کوئی کردار نہیں تھا۔
مجیب الرحمان نے وی نیوز کو بتایا کہ جنرل باجوہ نے کہاکہ وہ ایکٹینشن نہیں لینا چاہتے تھے، اس حوالے سے پھیلائی جانے والی باتیں غلط ہیں۔
جنرل (ر) باجوہ نے مزید کیا باتیں کیں؟ جانیے اس ویڈیو انٹرویو میں
