جمعرات کے روز انٹربینک مارکیٹ میں امریکی ڈالر کے مقابلے میں پاکستانی روپے کی قدر میں معمولی بہتری کا سلسلہ جاری رہا اور روپیہ ایک پیسہ مضبوط ہوا۔
یہ بھی پڑھیں: ’ایک پیسہ بھی بہت ہے‘: امریکی ڈالر کے مقابلے میں پاکستانی روپے کی قدر میں اضافہ جاری
دن کے اختتام پر مقامی کرنسی 276.86 روپے سے بہتر ہو کر 276.85 روپے پر بند ہوئی۔ یاد رہے کہ بدھ کے روز روپیہ 276.86 پر بند ہوا تھا۔
امریکی ڈالر اور دیگر کرنسیاں
عالمی مارکیٹ میں اگلے ہفتے اہم مرکزی بینکس کے اجلاسوں سے قبل امریکی ڈالر کی قدر میں زوال تھم گیا اور مارکیٹ مستحکم رہی۔ توقع ظاہر کی جا رہی ہے کہ امریکا، جاپان اور یورپ میں فی الحال شرحِ سود کو برقرار رکھا جائے گا۔
توقع سے زیادہ افراطِ زر کے اعداد و شمار کے باعث برطانوی پاؤنڈ 1.33955 ڈالر پر مستحکم رہا (اس سے قبل ہفتے کے دوران یہ 1.3409 ڈالر کی ایک ماہ کی بلند ترین سطح پر پہنچ گیا تھا)۔
مزید پڑھیے: روپے کی قدر مزید بہتر، ڈالر اب کتنے کا؟
آسٹریلوی اور نیوزی لینڈ ڈالر: آسٹریلوی ڈالر 70 سینٹس سے اوپر 0.7025 ڈالر پر برقرار رہا۔ نیوزی لینڈ میں اگلے ہفتے شرحِ سود میں اضافے کے امکانات کے باعث نیوزی لینڈ ڈالر ایک ماہ کی بلند ترین سطح 0.5709 ڈالر پر پہنچ گیا۔
مرکزی بینکس کی پالیسی
یورپی سینٹرل بینک کی جانب سے بنچمارک شرحِ سود 2.5 پر برقرار رکھنے کی توقع ہے جبکہ امریکا میں فیڈرل ریزرو کی جانب سے اکتوبر میں شرحِ سود 3.75 فیصد سے 4 فیصد کی حد میں برقرار رکھنے اور دسمبر میں اضافے کی توقع کی جا رہی ہے۔
عالمی سطح پر تیل کی قیمتیں
کرنسی کے استحکام کے لیے اہم سمجھی جانے والی خام تیل کی قیمتوں میں جمعرات کے روز 2 ڈالر فی بیرل سے زائد کا بڑا اضافہ دیکھا گیا۔
مزید پڑھیں: خراماں خراماں: روپے کی قدر مسلسل مضبوطی کی سمت گامزن، جانیے یہ سلسلہ کب سے جاری ہے؟
برینٹ خام تیل کے سودے 2.82 ڈالر (2.59 فیصد) اضافے کے ساتھ 111.64 ڈالر فی بیرل پر پہنچ گئے جو کہ تقریباً 5 ماہ کی بلند ترین سطح کے قریب ہے۔
