پنجاب میں پہلی ایئر ایمبولینس سروس کے لیے پہلے تربیتی سیشن کا آغاز کر دیا گیا ہے، دوسری جانب صوبائی حکومت نے ایئر ایمبولینس سروس کے دائر کار کو مزید وسعت دینے کا فیصلہ بھی کیا ہے۔
مزید پڑھیں
ایئر ایمبولینس سروس پر پیش رفت کا جائزہ لینے کے لیے خصوصی اجلاس مریم نواز کی زیر صدارت منعقد ہوا، جس میں صوبائی وزیر اطلاعات عظمیٰ زاہد بخاری، چیف سیکریٹری پنجاب، سیکریٹری فنانس، ڈی جی ریسکیو سروسز اور دیگر حکام بھی موجود تھے۔
وزیراعلیٰ مریم نواز شریف کوایئر ایمبولینس سروس سے متعلق بریفنگ دی گئی، انہیں بتایا گیا کہ پہلی ایئر ایمبولینس سروس کے لیے پہلے تربیتی سیشن کا آغاز کر دیا گیا ہے۔
مریم نواز شریف کا کہنا تھا کہ پنجاب میں ایئر ایمبولینس سروس کے دائر کار کو مزید وسعت دی جائے گی، دوردراز علاقوں میں حادثے کی صورت میں ایئر ایمبولینس سروس استعمال ہوگی۔
مریم نواز شریف نے کہا کہ انسانی جان سے بڑھ کر کچھ نہیں، تمام تر وسائل صوبے کی عوام پر خرچ کریں گے، ایمرجنسی کی صورت میں ایئر ایمبولینس سروس مہیاہوگی، ایئر ایمبولینس سروس کو دیگر صوبوں میں ایمرجنسی کی صورت میں مدد کے لیے فراہم کیا جائے گا۔
