پشتونخوا میپ کے چیئرمین و تحفظ آئین پاکستان تحریک کے سربراہ محمود خان اچکزئی کے وارنٹ گرفتار معطل کر دیےگئے۔
جوڈیشل مجسٹریٹ 9 کوئٹہ کامران بلوچ نے بلوچستان بار کونسل، بلوچستان ہائیکورٹ بار، کوئٹہ بار ایسوسی ایشن اور پشتونخوا میپ لائرز فورم کی اپیل پر ہنگامی سماعت کی۔
مزید پڑھیں
وکلا نے موقف اختیار کیاکہ محمود خان اچکزئی کے خلاف مقدمہ اور وارنٹ بد نیتی پر مبنی ہیں، ضلعی انتظامیہ نے 19 اکتوبر 2019 کو ایک سیٹلمنٹ افسر کی جانب سے جاری لیٹر کی بنیاد پر مارچ 2024 میں اس وقت مقدمہ درج کیا جب وہ صدارتی امیدوار تھے، طویل خاموشی کے بعد ایسے اقدامات سے عدلیہ پر عوام کا اعتماد ختم ہو جائے گا جس پر جوڈیشل مجسٹریٹ نے وارنٹ کو غیر آئینی قرار دیتے ہوئے معطل کردیا۔
دوران سماعت عدالت نے مقدمے کے تفتیشی افسر کا بیان بھی ریکارڈ کیا اور سماعت 31 مئی تک ملتوی کردی۔
محمود خان اچکزئی کے وارنٹ گرفتاری کے خلاف بلوچستان بارکونسل سمیت تمام وکلا تنظیموں کی اپیل پر عدالتی امور کا بائیکاٹ بھی کیا گیا۔
