کوئٹہ میں مسلح افراد کا پولیس کے ساتھ فائرنگ کا تبادلہ ہوا ہے جس کے نتیجے میں 4 حملہ آور ہلاک ہوگئے۔
سی ٹی ڈی کے ترجمان نے بتایا کہ سبی روڈ پر موٹر سائیکل سوار 4 دہشتگردوں نے پولیس موبائل پر فائرنگ کی۔
مزید پڑھیں
ترجمان کے مطابق پولیس کی جوابی فائرنگ سے ایک حملہ آور موقع پر ہلاک ہوگیا جبکہ بھرپور جوابی کارروائی پر دیگر 3 دہشتگردوں نے فرار ہونے کی کوشش کی اور ایک عمارت میں چھپ گئے۔
ترجمان نے بتایا کہ سی ٹی ڈی کی آپریشنل ٹیم نے موقع پر پہنچ کر عمارت کا گھیراؤ کیا اور تینوں دہشتگردوں کو ہلاک کردیا۔
ترجمان نے بتایا ہے کہ دہشتگردوں کے قبضے سے اسلحہ، گرینیڈ اور موٹر سائیکل برآمد ہوئی ہے۔
