راولپنڈی ایکسپریس کے نام سے مشہور سابق پاکستانی فاسٹ باؤلر شعیب اختر کا ایک پرانا انٹرویو کلپ ان دنوں سوشل میڈیا کی خوب زینت بنا ہوا ہے ، جس میں وہ اپنے کیرئیر کے حوالے سے گفتگو کرتے ہوئے دکھائی دے رہے ہیں۔
مزید پڑھیں
دورانِ انٹرویو ایک سوال کے جواب میں شعیب اختر نے انکشاف کیا ’مجھے سب سے زیادہ اپنے پورے کیرئیر کے دوران سوئنگ کے سلطان وسیم اکرم سے ڈانٹ پڑی ہے‘۔ ساتھ ہی ساتھ انہوں نے یہ بھی واضح کیا’ یہ ڈانٹ مجھے باؤلنگ پر پڑا کرتی تھی کسی اور چیز پر نہیں جبکہ حقیقت یہ ہے کہ میں نے جتنا بھی ان کے ساتھ کھیلا ہے، اس عرصے کے دوران میں گیند بازی وسیم اور وقار بھائی سے پوچھ کر ہی کیا کرتا تھا۔
واضح رہے کہ ملکی و غیر ملکی انٹرویوزمیں بھی وسیم اکرم نے شعیب اختر کے حوالے سے گفتگو کرتے ہوئے یہی کہا ہے’ ہم دونوں کے درمیان بہت اچھا رشتہ تھا اور میں نے ہمیشہ ہی اسے سمجھایا ہے۔‘
یاد رہے کہ ماضی میں کپل شرما کو انٹرویو دیتے ہوئے وسیم اکرم نے کہا تھا’ بطور کپتان تمام کھلاڑیوں میں سے شعیب اختر کو سنبھالنا بہت مشکل ہوتا تھا کیونکہ جھوٹ بہت بولتا تھا۔‘
View this post on Instagram
