آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہے گا تاہم گلگت بلتستان اور کشمیر اور ملحقہ پہاڑی علاقوں میں مطلع ابر آلود رہنے کے علاوہ چند مقامات پر بارش ہو سکتی ہے۔
محکمہ موسمیات کے مطابق اسلام آباد اور خیبرپختونخوا میں موسم خشک اور گرم رہے گا۔ پنجاب صوبہ کے بیشتر اضلاع میں بھی موسم گرم اور خشک رہے گا جبکہ بہاولپور، رحیم یار خان، ملتان، ڈیرہ غازی خان، راجن پور اور گرد و نواح میں بعد از دوپہر تیز گردآلود ہوائیں چلنے اور بعض مقامات پر گرج چمک کے ساتھ ہلکی بارش ہو سکتی ہے تاہم مری، گلیات اور گرد و نواح میں موسم خشک اور مطلع جزوی ابر آلود رہے گا۔
مزید پڑھیں
موسم کا حال بتانے والوں کا کہنا ہے کہ بلوچستان اور صوبہ سندھ کے بیشتر اضلاع میں موسم گرم اور خشک رہے گا جبکہ بالائی اضلاع میں شدید گرم رہنے کا امکان تاہم سکھر، گھوٹکی، کشمور، شکارپور اور جیکب آباد میں بعد از دوپہر تیز گردآلود ہوائیں چلنے اور بعض مقامات پر گرج چمک کے ساتھ ہلکی بارش امکان ہے۔
کشمیر اور گلگت بلتستان میں مطلع جزوی ابر آلود رہنے کے علاوہ چند مقامات پر تیز ہواؤں اور گرج چمک کے ساتھ بارش کی توقع ہے۔
