منفرد، عجیب و غریب اور عریاں لباس پہننے پر مشہور بھارتی اداکارہ عرفی جاوید کی نئی لُک نے سب کو حیران کر دیا۔
بھارتی اداکارہ اور سوشل میڈیا انفلوئینسرعرفی جاوید نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر شیئر کی جس میں ان کے سر پر بال نہیں ہیں، مذکورہ تصویر کو دیکھنے میں لگتا ہے کہ عرفی جاوید کی جانب سے کسی فلٹر کا استعمال کیا گیا ہے۔
تصویرپر غور کیا جائے تو ان کے اصل لمبے بال واضح طور پر دیکھے جاسکتے ہیں جو کہ فلٹر لگنے سے غائب ہوگئے ہیں اور ایسا معلوم ہورہا ہے کہ جیسے اداکارہ نے اپنے سر کے بال منڈوا دیے ہوں۔
View this post on Instagram
عرفی جاوید کی تصویر وائرل ہوتے ہی ناقدین کی جانب سے متضاد تبصروں کا سلسلہ ہوگیا۔ کسی نے اداکارہ کے نئے اسٹائل کی تعریف کی تو کوئی ایڈیٹر پر تنقید کرتا نظر آیا۔ ایک صارف نے پوچھا کہ یہ آپ نے اپنے بالوں کے ساتھ کیا کر لیا، ایک اور صارف لکھتے ہیں کہ آپ کا ایڈیٹر بہت برا ہے کیونکہ آپ کے اتنے لمبے بال نظر آ رہے ہیں۔
چند صارفین کا کہنا تھا عرفی جاوید نے سنیپ چیٹ کا فلٹر لگایا ہے، تو کوئی یہ کہتا نظر آیا کہ بس یہی دیکھنا باقی رہ گیا تھا۔
واضح رہے کہ اداکارہ عرفی جاوید کئی ٹیلی ویژن شوز میں اپنی اداکاری کے جلوے دکھا چکی ہیں تاہم وہ بگ باس میں حصہ لینے کے بعد شہرت کی بلندیوں پرجا پہنچیں۔
