ایران کے صدر ابراہیم رئیسی اور وزیر خارجہ حسین امیر عبداللہیان کی ہیلی کاپٹر کے حادثہ میں المناک وفات پر دنیا کے مختلف ممالک کے سربراہان اور رہنماؤں کی جانب سے تعزیت کا سلسلہ جاری ہے۔ پاکستانی قیادت اور سیاسی رہنماؤں نے بھی ایرانی صدر کے انتقال پر گہرے دکھ اور افسوس کا اظہار کیا ہے۔
مزید پڑھیں
سابق وزیراعظم پاکستان اور مسلم لیگ (ن) کے صدر نواز شریف نے ایرانی صدر ابراہیم رئیسی کی ہیلی کاپٹر حادثے میں وفات پر گہرے دکھ اور افسوس کا اظہا کیا ہے۔
سماجی رابطے کے پلیٹ فارم ’ایکس‘ پر ایک پوسٹ میں انہوں نے کہا وہ ہیلی کاپٹر کے حادثے میں صدر ابراہیم رئیسی، وزیر خارجہ عبداللہیان اور دیگر اعلیٰ ایرانی حکام کے انتقال پر صدمے اور گہرے غم میں مبتلا ہیں۔
انہوں نے کہا، ’ایرانی صدر ایک مدبر اور ممتاز عالم دین تھے، اسی طرح ایرانی وزیر خارجہ بھی ایک متحرک سفارت کار تھے، یہ دونوں پاکستان کے قابل اعتماد دوست تھے۔‘
نواز شریف کا کہنا تھا کہ آج کا دن پاکستان میں ہمارے لیے انتہائی دکھ اور افسوس کا دن ہے۔ انہوں نے سپریم لیڈر اور ایرانی عوام سے گہری ہمدردی اور دلی تعزیت کا اظہار کرتے ہوئے کہا، ’اللہ تعالیٰ انہیں جنت الفردوس میں اعلیٰ مقام عطا فرمائے اور سوگوار لواحقین اور ایرانی قوم کو یہ ناقابل تلافی نقصان برداشت کرنے کی توفیق عطا فرمائے۔‘
I am shocked and deeply saddened by the death of President Ebrahim Raisi, Foreign Minister Abdollahian and other senior Iranian officials in an unfortunate helicopter crash.
The Iranian President was a statesman and an outstanding scholar, while the Foreign Minister was a…
— Nawaz Sharif (@NawazSharifMNS) May 20, 2024
سابق وزیر خارجہ بلاول بھٹو زرداری نے ’ایکس‘ پر اپنے پیغام میں ہیلی کاپٹر حادثے کو المناک واقعہ قرار دیتے ہوئے کہا، ’ہم ایران کے برادر عوام بالخصوص صدر ابراہیم رئیسی اور وزیر خارجہ حسین امیرعبداللہیان کے اہل خانہ سے دلی تعزیت کا اظہار کرتے ہیں۔ اللہ تعالیٰ ان کو جنت الفردوس میں اعلیٰ مقام عطا فرمائے، آمین۔ دکھ کی اس گھڑی میں پاکستان کی دعائیں مرحومین کے اہل خانہ اور تمام ایرانی بھائیوں اور بہنوں کے ساتھ ہیں۔‘
Our heartfelt condolences go out to the brotherly people of Iran, especially the families of President Ebrahim Raisi and Foreign Minister Hossein Amirabdollahian, following the tragic incident. May Allah (SWT) grant them a place among the martyrs in Jannah, Ameen. Pakistan's…
— BilawalBhuttoZardari (@BBhuttoZardari) May 20, 2024
پاکستان تحریک انصاف (پی ٹی آئی) کے بانی چیئرمین عمران خان نے اپنے پیغام میں کہا، ’صدر ابراہیم رئیسی اور وزیرخارجہ عبداللہیان کی ہیلی کاپٹر حادثہ میں المناک موت کا سن کر ہمیں گہرا رنج ہوا ہے۔ انہوں نے مصیبت زدہ فلسطینی عوام کے لیے اپنے ملک کی پرعزم حمایت کی قیادت کی۔‘
We are deeply grieved to hear of the tragic deaths of President Ebrahim Raisi and Foreign Minister Hossein Amir- Abdollahian in a helicopter crash. They led their country’s resolute support for the beleaguered Palestinian people.
Our condolences go to the people & leadership of…
— Imran Khan (@ImranKhanPTI) May 20, 2024
عمران خان نے ایران کی عوام اور قیادت کے ساتھ تعزیت کا اظہار کرتے ہوئے کہا کہ غم اور آزمائش کی اس گھڑی میں پاکستان کےعوام ان کے ساتھ کھڑے ہیں۔
امیر جماعت اسلامی نعیم الرحمان نے اپنے پیغام میں کہا، ’اسلامی جمہوریہ ایران کے صدر ابراہیم رئیسی، وزیر خارجہ حسین امیر عبداللہیان اور دیگر افراد کی شہادت پر ہر پاکستانی کا دل دکھی ہے، پاک ایران تعلقات کو مزید بہتر بنانے کے لیے ان کی کوششوں کو ہمیشہ یاد رکھا جائے گا۔ دکھ کی اس گھڑی میں پاکستان اور جماعت اسلامی ایرانی قوم کے ساتھ ہیں۔‘
اسلامی جمہوریہ ایران کے صدر ابراہیم رئیسی، وزیر خارجہ حسین امیر عبداللہیان اور دیگر افراد کی شہادت پر ہر پاکستانی کا دل دکھی ہے ، پاک ایران تعلقات کو مزید بہتر بنانے کیلئے ان کی کوششوں کو ہمیشہ یاد رکھا جائے گا۔ دکھ کی اس گھڑی میں پاکستان اور جماعت اسلامی ایرانی قوم کے ساتھ ہیں۔… pic.twitter.com/B5sqKxuG0E
— Naeem ur Rehman (@NaeemRehmanEngr) May 20, 2024
جمعیت علما اسلام کے سربراہ مولانا فضل الرحمان نے ’ایکس‘ پر اپنے پیغام میں کہا، ’پاکستان کی عوام اور جمعیت علما اسلام کی طرف سے ایران کی عوام، ان کی قیادت و حکومت اور سانحے میں جاں بحق صدر رئیسی، وزیرخارجہ اور انکے ہمسفر ساتھیوں کے خاندانوں اور لواحقین کے ساتھ دلی تعزیت کا اظہار کرتا ہوں۔‘
میں پاکستان کی عوام اور جمعیت علماء اسلام کی طرف ایران کی عوام ،ان کی قیادت و حکومت اور سانحے میں جاں بحق صدر رئیسی، وزیرخارجہ اور انکے ھمسفر ساتھیوں کےخاندانوں اور لواحقین کے ساتھ دلی تعزیت کا اظہار کرتا ھوں۔ غم کی اس گھڑی میں ھم ان کے ساتھ ھیں۔
اناللہ وانا الیہ راجعون— Maulana Fazl-ur-Rehman (@MoulanaOfficial) May 20, 2024
انہوں نے کہا کہ غم کی اس گھڑی میں ہم ان کے ساتھ ہیں۔‘
