عالمی چیمپیئن بھارت اور میزبان جاپان کے درمیان پہلے ٹی 20 میچ کے آخری اوور میں وائیڈ کا فیصلہ واپس لینے پر سوشل میڈیا پر بحث چھڑ گئی ہے اور کئی شائقین نے امپائرنگ کے فیصلے پر سوالات اٹھائے ہیں۔
یہ بھی پڑھیں: ابھیشیک شرما کا ان چاہا عالمی ریکارڈ: ’گولڈن ڈک‘ کے ’معرکے‘ میں شاداب و راشد خان کو پیچھے چھوڑ دیا
یہ تنازع جاپان کی اننگز کے آخری اوور کی تیسری گیند پر اس وقت پیدا ہوا جب اکشر پٹیل نے آف اسٹمپ سے باہر بیک آف لینتھ گیند کرائی جو تیزی سے باہر کی جانب گھوم گئی اور بائیں ہاتھ کے بلے باز الیگزینڈر شیرائی پیٹمور کو مکمل طور پر چکمہ دے گئی۔ اس وقت جاپان کو 4 گیندوں پر 8 رنز درکار تھے اور بلے باز ریورس ہٹ کھیلنے کی کوشش کر رہا تھا۔
India bullied the umpire into overturning the wide decision. Japan were robbed here.
World champion India with top team won against #Japan by pressurising Umpires. pic.twitter.com/4eGuOLzCyk
— Abu Zaid Sarooji (@Sarooji_) September 22, 2026
جاپان کے کرس تھرگیٹ نے جو اس تاریخی میچ سے قبل 17 ٹی 20 میچوں میں امپائرنگ کر چکے تھے اسے وائیڈ قرار دیا۔ ان کے اس فیصلے نے بھارتی کھلاڑیوں بشمول پٹیل کو حیران کر دیا کیونکہ شیرائی پیٹمور نے ریورس سویپ کھیلنے کی کوشش کی تھی۔
India just stole the match from Japan.
With 5 needed off 4 for the biggest upset in cricket history, India bullied the umpires into overturning a clear wide call. It was wide. Plain and simple. Japan deserved that upset.
BCCI is the richest cricket board on the planet .. they…— Bobde Dada (@Bobde_dada) September 22, 2026
بھارتی کھلاڑیوں کی حیرانی اس وقت غصے میں بدل گئی جب تھرگیٹ نے اگلی گیند پر بھی وائیڈ کا اشارہ دیا۔ وہ گیند بھی اسی طرح کی تھی اور شیرائی پیٹمور ریورس ہٹ کھیلتے ہوئے چوکا کھا گئے حالانکہ اگر وہ اپنا اسٹانس تبدیل نہ کرتے تو یہ ان کی لیگ سائیڈ بنتی۔
مزید پڑھیے: ’بھارتی کرکٹ ٹیم پر مستقل پابندی لگائی جائے’، محسن نقوی سے ٹرافی لینے سے انکار پر سوشل میڈیا صارفین پھٹ پڑے
مسلسل دوسری وائیڈ کے بعد جاپان کو 4 گیندوں پر 6 رنز درکار رہ گئے لیکن بھارت کا احتجاج جاری رہا جس پر نیوزی لینڈ سے تعلق رکھنے والے لیگ امپائر کرس براؤن کو مداخلت کرنی پڑی اور انہوں نے اپنے ساتھی امپائر کو فیصلہ واپس لینے کا مشورہ دیا۔
تھرگیٹ نے براؤن کے مشورے پر عمل کرتے ہوئے اپنا فیصلہ واپس لے لیا جس کے بعد جاپان کو 3 گیندوں پر 7 رنز درکار رہ گئے اور بھارت نے بارش سے متاثرہ یہ میچ جو بارش کے باعث 5،5 اوور تک محدود کر دیا گیا تھا صرف 2 رنز سے جیت لیا۔
Umpires overturning a wide decision without a review or replay, simply because Indian players asked for it.
What a low. This is more shameful than losing to Japan.pic.twitter.com/X2zhpsiSCf https://t.co/6OHZlMYcsH
— Ragav X (@ragav_x) September 22, 2026
وائیڈ کا یہ فیصلہ واپس لینا تب سے سوشل میڈیا پر کرکٹ شائقین کے درمیان شدید بحث کا موضوع بنا ہوا ہے اور کچھ شائقین بھارتی کھلاڑیوں پر امپائر کو ڈرانے اور فیصلہ تبدیل کرنے پر مجبور کرنے کا الزام لگا رہے ہیں۔
مزید پڑھیں: انگلینڈ اور آئر لینڈ میں شکست، بھارتی کرکٹ ٹیم کے معاون کوچ مستعفی
دوسری جانب انٹرنیشنل کرکٹ کونسل کی امپائرز کے لیے گائیڈ لائنز کے مطابق اگر کوئی بلے باز ریورس یا سوئچ ہٹ کھیلنے کی کوشش کرے تو وکٹ کے دونوں اطراف کو آف سائیڈ سمجھا جائے گا جس کا مطلب ہے کہ وائیڈ قرار دینے کے لیے گیند کو بیرونی اسٹمپ سے 75 سینٹی میٹر باہر ہونا ضروری ہے۔
