لاہور میں عربی رسم الخط والا لباس پہن کر مارکیٹ میں آنے والی خاتون کو ہجوم سے بچانے پر مشہور ہونے والی خاتون پولیس آفیسر اے ایس پی شہر بانو نقوی کو وزیر داخلہ محسن نقوی کی پرسنل سیکیورٹی آفیسر تعینات کردیا گیا۔
وزارت داخلہ کی جانب سے نوٹیفکیشن جاری کیا گیا ہے جس میں کہا گیا ہے کہ شہربانو نقوی محسن نقوی کے پی ایس او کی حیثیت سے فرائض سرانجام دیں گی۔
اے ایس پی سیدہ شہر بانو وزیر داخلہ محسن نقوی کی پی ایس او تعینات۔۔!!#یوم_تکبیر_شکریہ_ڈاکٹرعبدالقدیر#قوم_مانگے_خان_کی_رہائی pic.twitter.com/jnwoSiVsQu
— Imran Khan Tiger 🛜 (@adnankhan280186) May 28, 2024
اس سے قبل گریڈ 17 کی شہر بانو نقوی اے ڈی او ایف سی اسلام آباد تعینات تھیں۔
وزارت داخلہ سے جاری نوٹیفکیشن کے مطابق اے ایس پی شارخ خان کو وزیر داخلہ کا اسسٹنٹ چیف سیکیورٹی آفیسر تعینات کیا گیا ہے۔
واضح رہے کہ شہر بانو نقوی نے 2019 میں سی ایس ایس پاس کرکے پبلک مینجمنٹ میں کام شروع کیا، وہ انٹیلیجنس بیورو کی اسسٹنٹ ڈائریکٹر کے طور پر بھی خدمات انجام دے چکی ہیں۔
