کراچی میں کتے کے قاتلوں کو کیفر کردار تک پہنچانے کے لیے خاتون عدالت پہنچ گئی۔
کراچی کی عدالت میں کتے کو قتل کرنے کے مقدمے کی سماعت ہوئی۔
مزید پڑھیں
خاتون کے وکیل نواز ڈاہری نے کہاکہ کتوں اور جانوروں کے بھی قانون میں حقوق ہیں، قانون کسی بھی کتے کو مارنے کی اجازت نہیں دیتا۔
وکیل نے کہاکہ پولیس ملزمان کو بچا رہی ہے اور مقدمہ سی کلاس کرنے کی کوشش کی جارہی ہے۔
وکیل کے دلائل پر عدالت نے پولیس سے رپورٹ طلب کرلی۔
خاتون کے وکیل نواز ڈاہری نے کہاکہ آئندہ سماعت پر جانوروں کے حقوق سے متعلق قوانین میں عدالت کی معاونت کریں گے۔
اس موقع پر خاتون کا کہنا تھا کہ میرے کتے کو فلیٹ کی یونین کے 2 لوگوں نے قتل کیا ہے، جس کا مقدمہ ایف بی ایریا انڈسٹریل تھانے میں درج ہوا۔
انہوں نے کہاکہ ملزم احسن اور حسان نے گھر کا تالہ توڑ کر میرے کتے کو قتل کیا، جائے وقوعہ سے پولیس نے ایک پستول کا خول بھی بر آمد کیا ہے تاہم ملزمان کے خلاف کارروائی نہیں کی جارہی۔
