لکی مروت کے تھانہ ورگاڑی سب ڈویژن بیٹنی کے ایریا میں پولیو ٹیم پر نامعلوم دہشت گردوں کے حملے سے ڈیوٹی پر موجود پولیس اہلکار بصتر علی نمبر 168 زخمی جبکہ پولیس کی بروقت جوابی فائرنگ سے ایک حملہ آور دہشت گرد موقع پر ہلاک ہوگیا ہے۔
مزید پڑھیں
پولیس نے ہلاک دہشت گرد کے قبضے سے ایک عدد کلاشنکوف بمعہ ایمونیشن اور ہینڈ گرنیڈ برآمد کیے ہیں۔ واقعے کی اطلاع ملتے ہی پولیس کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کردیا ہے۔
پولیس نے زخمی پولیس اہلکار کو علاج معالجے کے لیے ڈی ایچ کیو اسپتال منتقل کردیا ہے، زخمی اہلکار کی حالت خطرے سے باہر ہیں جبکہ ہلاک دہشت گرد کی لاش بھی پوسٹ مارٹم کے لیے اسپتال پہنچا دی گئی ہے۔