سعودی سول ڈیفینس کے ڈائریکٹوریٹ نے حج 2024 کے دوران مصنوعی ذہانت پر مبنی کئی جدید سروسز متعارف کروائی ہیں۔ ان سروسز کو سول ڈیفینس کے منی میں واقع مرکزی کنٹرول سینٹر میں متعارف کروایا گیا ہے۔
مزید پڑھیں
ڈائریکٹوریٹ نے مختلف سیکیورٹی اداروں کے ساتھ مل کر جدید تکنیکی اور مصنوعی ذہانت کے استعمال کے ذریعے سروسز فراہم کی ہیں، جن میں سب سے نمایاں (اسمارٹ پلیٹ فارم) ہے۔
یہ پلیٹ فارم مقدس مقامات پر نصب کیے گئے اسمارٹ کیمروں کے ذریعے دھویں، آگ، ہنگامی حالات اور دیگر خطروں کی پیشنگوئی کرنے کا اہل ہے۔ پیشگی آگاہی سے سول ڈیفینس کی ٹیموں کی ردعمل کی رفتار بڑھ جاتی ہے جس کی بنا پر کسی بھی خطرے کی صورت میں فوری مداخلت اور مدد فراہم کی جا سکتی ہے۔
ٹیکنالوجی کی سروسز میں عازمین حج کی رہائش گاہوں کی کمپنیوں کے لائسنس بھی شامل ہیں جو سول ڈیفینس کے انسپکٹرز کو QR کوڈ کے ذریعے کمپنیوں کے لائسنس کی تصدیق میں مدد فراہم کرتے ہیں۔ یہ کیمرے اسمارٹ گاڑیوں میں نصب ہیں جن سے لائسنس کی معلومات موبائل ڈیوائس پر دکھایا جانا ممکن کرتی ہیں۔
اس کے علاوہ سینٹر نے ڈیجیٹل ٹوئننگ ٹیکنالوجی کا استعمال بھی کیا ہے جو سول ڈیفینس کے جیومکانیکل پورٹل کے ساتھ ہم آہنگی پر مبنی ہے۔ یہ ٹیکنالوجی مقدس مقامات کی ایک انٹرایکٹو نقشہ تیار کرتی ہے تاکہ ہر یونٹ کے نگرانی کے دائرے کا تعین کیا جا سکے۔ اس میں تربیتی نظام اور ممکنہ خطرناک مقامات کی شناخت شامل ہے اور اس ٹیکنالوجی سے کسی بھی ممکنہ خطرے سے بچاؤ کے لیے کام لیا جاتا ہے۔
سول ڈیفینس کے یہ جدید اقدامات عازمین حج کی حفاظت کو یقینی بنانے اور انہیں بہترین سروسز فراہم کرنے کے لیے کیے گئے ہیں۔
