آئی سی سی ٹی20 ورلڈ کپ میں آئرلینڈ اور امریکا کے میچ کے موقع پر فلوریڈا میں موسم بہتر ہونے لگا ہے اور بارش کا سلسلہ رکا ہوا ہے۔ گزشتہ روز کی طوفانی بارش کے باعث فلوریڈا میں ایمرجنسی نافذ کر دی گئی تھی تاہم اب میچ کے دوران بارش کا امکان صرف 20 فیصد رہ گیا۔
سوشل میڈیا صارفین اس حوالے سے سوشل میڈیا پر مختلف تبصرے کرتے نظر آ رہے ہیں، کوئی میچ دیکھنے کے لیے پُر جوش ہے تو کوئی پاکستانی ٹیم کے سپر8 میں پہنچنے کی دعائیں کرتا نظر آتا ہے۔
ایک صارف نے گزشتہ روز طوفانی بارشوں کی ایک ویڈیو اپلوڈ کرتے ہوئے لکھا کہ اس موسم میں کوئی بھی میچ مکمل ہوتا دکھائی نہیں دے رہا، یعنی اس بار قدرت کا نظام ہمارے حق میں معلوم نہیں ہوتا۔
فلوریڈا کا موسم کچھ ایسا ہے جہاں بھارت بمقابلہ کینیڈا، پاکستان بمقابلہ آئرلینڈ اور امریکا بمقابلہ آئرلینڈ میچ کھیلے جانے ہیں۔
اس موسم میں کوئی بھی میچ مکمل ہوتا دکھائی نہیں دے رہا، یعنی اس بار قدرت کا نظام ہمارے حق میں معلوم نہیں ہوتا۔ pic.twitter.com/Yx3v6YeFP1
— Arif Dumbalo (@ArifDumbalo) June 14, 2024
کلثوم نامی صارف نے لکھا کہ فلوریڈا میں موسم آج بہتر ہے۔ امریکہ اور آئرلینڈ میچ کے دوران بارش کے چانسسز 20 فیصد ہیں اور اتنے ہی پاکستان کے اگلے مرحلے میں جانے کے ہیں۔
فلوریڈا میں موسم بہتر ہے۔ امریکہ اور آئرلینڈ میچ کے دوران بارش کے چانسسز 20 فیصد ہیں۔ اتنے ہی پاکستان کے اگلے مرحلے میں جانے کے ہیں😐#cricket #T20WorldCup2024 #BabarAzam pic.twitter.com/S0Q4kzCBzE
— Bint e Kolsoom Sahiba 🌱 (@BenteKolsoom) June 14, 2024
ارمان لکھتے ہیں کہ اگرآج بارش کی وجہ سے میچ ڈرا ہو گیا تو پاکستان کی امیدوں پر پانی پھیر جائے گا۔
اور اگرآج بارش کی وجہ سے میچ ڈرا ہو گیا تو پاکستان کی امیدوں پر پانی پھیر جائے گا 🤣🤣🤣
— Arman Tweets (@ArmanKpTweets) June 14, 2024
طارق زمان ملک نے لکھا کہ آج آئرلینڈ کا میچ امریکہ کے ساتھ ہے جس میں ہم نے یہ دعا کرنی ہےکہ آئرلینڈ امریکا سے جیت جائے اور آئر لینڈ کا اس سےاگلا میچ اتوارکوپاکستان کےساتھ ہے جس میں ہم نےدعا کرنی ہےکہ آئرلینڈ پاکستان سے ہار جائے۔ انہوں نے مزید لکھا کہ ویسےہم بھی کتنے خودغرض ہیں نا کہ ایک ہی ٹیم کی کبھی جیت اورکبھی ہارکی دعائیں کرتے ہیں۔
اب آئرلینڈ کا اگلا میچ امریکہ کے ساتھ آج یعنی بروزجمعہ کو ہے،جس میں ہم نے یہ دعا کرنی ہےکہ آئرلینڈ جیتے
اور آئر لینڈ کا اس سےاگلا میچ اتوارکوپاکستان کےساتھ ہے جس میں ہم نےدعا کرنی ہےکہ آئرلینڈہارے.ویسےہم بھی کتنے خودغرض ہیں نا کہ ایک ہی ٹیم کی کبھی جیت اورکبھی ہارکی دعائیں…— Tariq Zaman Malik (@TZM_Zamzama) June 13, 2024
ایک صارف نے آج امریکا اور آئیرلینڈ کے درمیان ہونے والے میچ میں آئیرلینڈ کو سپورٹ کرتے ہوئے طنزاً لکھا کہ دل دل آئیر لینڈ جان جان آئیر لینڈ۔
Dil dil Ireland Jan Jan Ireland 😂🤧🤝😁 pic.twitter.com/rClhXMXaVn
— Syeda Asna Shah (@AsnaShah44) June 13, 2024
واضح رہے کہ پاکستان کو سپر 8 مرحلے میں کوالیفائی کرنے کے لیے نا صرف آئر لینڈ سے میچ جیتنا ہو گا بلکہ اسے آئر لینڈ کے ہاتھوں امریکا کی شکست کا انتظار بھی کرنا پڑے گا، بارش کے باعث میچ برابر ہونے کی صورت میں بھی پاکستانی ٹیم کا ٹی20 ورلڈکپ کا سفر اختتام پذیر ہو جائے گا۔
یاد رہے کہ پاکستان ٹی20 ورلڈکپ کے اپنے 3 میں سے 2 میچ ہار چکا ہے جبکہ 1 میچ میں اسے کامیابی ملی ہے۔
