فیڈرل بورڈ آف انٹرمیڈیٹ اینڈ سیکنڈری ایجوکیشن (FBISE) نے سیکنڈری اسکول سرٹیفکیٹ (SSC) پارٹ I اور II کے پہلے سالانہ امتحانات کے نتائج کی تاریخ کا باضابطہ اعلان کر دیا ہے۔
یہ بھی پڑھیں:میٹرک کا رزلٹ کب آئے گا؟ پنجاب تعلیمی بورڈز نے تاریخ کا اعلان کردیا
فیڈرل بورڈ آف انٹرمیڈیٹ اینڈ سیکنڈری ایجوکیشن کے اعلامیے کے مطابق رواں سال مارچ اور اپریل میں ہونے والے امتحانات کے نتائج کا اعلان جمعہ 12 جولائی 2024 کو صبح 11:00 بجے کیا جائے گا۔
وفاقی بورڈ نے امیدواروں کے نتائج تک رسائی کے طریقہ کار کی بھی تفصیل دی۔ تمام امیدواروں کو نتائج بذریعہ ایس ایم ایس پہنچائے جائیں گے، بشرطیکہ انہوں نے اپنے داخلہ فارم میں اپنے سیل فون نمبر درج کیے ہوں۔
امیدوار اپنے نتائج آن لائن ایف بی آئی ایس ای کی آفیشل ویب سائٹ www.fbise.edu.pk پر بھی دیکھ سکتے ہیں۔
یہ بھی پڑھیں:باجوڑ میں ہر سال ہزاروں طلبہ میٹرک کے بعد تعلیم کو خیرباد کیوں کہہ رہے ہیں؟
اس کے علاوہ امیدوار اپنا رول نمبر نیچے دیے گئے فارمیٹ میں بھیج کر ایس ایم ایس کے ذریعے اپنے نتائج حاصل کر سکتے ہیں:
FB [space] [roll number] to the unified code 5050
دوسری جانب پنجاب کے تمام 9 تعلیمی بورڈز میٹرک کے امتحان 2024 کے نتائج کا اعلان منگل 9 جولائی کو صبح 10 بجے کریں گے۔ بورڈ آف انٹرمیڈیٹ اینڈ سیکنڈری ایجوکیشن (BISE) نے کہا کہ طلبہ و طالبات اپنے نتائج متعلقہ بورڈ کی ویب سائٹ یا موبائل فون پر آن لائن دیکھ سکتے ہیں۔
