سابق صدر ممملکت ڈاکٹر عارف علوی نے کہا ہے کہ میرے وطن کے محافظ ادارے کی قیادت گمراہی کی طرف گامزن ہیں وہ ضد اور نفرت چھوڑیں میں عمران خان کی طرف سے وعدہ کرتا ہوں کہ بدلہ نہیں لیں گے اور درگزر کردیں گے۔
سماجی رابطے کی ویب سائٹ ’ایکس‘ پر اپنے ایک بیان میں انہوں نے کہاکہ گمراہی 3 طرح کی ہوتی ہے، جس میں ایک جان بوجھ کر راستہ پکڑنا، دوسرا راستہ بھول جانا اور تیسرا جب انا بیچ میں آجائے کہ اب اس راستے سے واپس کیسے جائیں۔
شیریں مزاری جھوٹ نہیں بولتی ہیں۔ مجھے یقین ہے کہ یہ حقیقت ہے اور میں خود انسے یہ روداد سن چکا ہوں۔ بڑے اقسوس اور بڑی شرم کی بات ہے۔
جنہوں نے یہ کیا وہ کون ہیں؟
کیا وہ ہیں جو دہشت گردوں کا مقابلہ کرتے ہیں؟
یا وہ ہیں جو سرحدوں کی حفاظت کرتے ہیں؟
یا وہ ہیں جنہوں نے کہا کہ ہم آئین… https://t.co/DnsrRuXDS1— Dr. Arif Alvi (@ArifAlvi) July 7, 2024
عارف علوی نے کہاکہ اب بھی وقت ہے کہ تباہ کن ضد اور نفرت چھوڑیں اور امن و انصاف کی طرف قدم بڑھائیں، میں عمران خان کی طرف سے وعدہ کرتا ہوں کہ وہ بدلہ نہیں لیں گے اور درگزر کردیں گے جس سے حل نکل آئے گا۔
واضح رہے کہ یہ ٹوئٹ انہوں نے شیریں مزاری کے ایک کلپ کو شیئر کرتے ہوئے کیا جس میں وہ کہہ رہی ہیں کہ مجھ سے پریس کانفرنس کروانے کے لیے میری بیٹی سے رابطہ کیا گیا اور کہا گیا کہ اگر وہ پی ٹی آئی سے علیحدگی کا اعلان کریں تو رہائی ہو جائے گی۔
عارف علوی نے کہاکہ میں شیریں مزاری سے پہلے بھی روداد سن چکا ہوں، وہ جھوٹ نہیں بولتیں، بڑے افسوس اور شرم کا مقام ہے کہ جنہوں نے یہ سب کچھ کیا وہ کون لوگ ہیں۔
یہ بھی پڑھیں عمران خان نے ملک چھوڑنے کی پیشکش مسترد کردی، عارف علوی کا دعویٰ
انہوں نے کہاکہ کیا یہ وہ لوگ ہیں جو دہشتگردوں کا مقابلہ کرتے ہیں، یا وہ جو سرحدوں کی حفاظت کرتے ہیں، یا وہ ہیں جو آئین میں اپنا رول پہچانتے ہیں۔
عارف علوی نے مزید لکھا کہ کیا یہ وہ لوگ ہیں جنہوں نے آئین پڑھا نہیں؟ یا وہ ہیں جنہوں نے قائداعظم کی کوئٹہ گیریژن کی تقریر نہیں سنی؟ میں کس کی مذمت کروں؟
