آپ نے پہاڑیوں اور پہاڑوں سے دلکش جھرنے والے آبشار دیکھے ہوں گے۔ چلچلاتی گرمی کو شکست دینے، آبشاروں کے شور کو سننے اور قوس قزح کا مشاہدہ کرنے کے لیے لوگ اکثر ان شاندار مقامات کا رخ کرتے ہیں۔ لیکن ایک ایسی آبشار بھی دریافت ہوئی ہے جسے دیکھ کر آپ حیرت میں مبتلا ہوجائیں گے۔
View this post on Instagram
ایک منفرد قسم کی آبشار جس کی ویڈیو آج کل سوشل میڈیا پر وائرل ہے، اس نایاب قسم کی آبشار کو ’ریت کی آبشار‘ کا نام دیا گیا ہے، جس نے انٹرنیٹ صارفین میں تجسس پیدا کر دیا ہے۔ بہت سے لوگ یقینی طور پر اس طرح کے واقعہ کو دیکھ کر حیران ہو رہے ہیں، جبکہ بہت سے لوگ اس کو ریت کے بجائے پانی ہی تصور کر رہے ہیں۔
یہ ویڈیو کلپ ایک عربی بولنے والے شخص سے شروع ہوتا ہے، جو ریت کی آبشار کی طرف اشارہ کرکے دکھا رہا ہے، جہاں ایک بہت بڑا گڑھا دکھائی دے رہا ہے جس میں ریت اونچائی سے نیچے بہہ رہی ہے اور آبشار کا منظر پیش کررہی ہے۔
اگرچہ آبشاریں سیاحوں کو اپنے نیچے نہانے کے لیے راغب کرتی ہیں، لیکن یہ بالکل ویسی نہیں ہے، یہاں یہ کوشش جان لیوا ثابت ہوسکتی ہے۔
انسٹاگرام پر وائرل اس ویڈیو کے کیپشن میں لکھا گیا ہے کہ ’صحرا کا معجزہ‘ دلکش ‘ریت کی آبشار’ کا مشاہدہ کریں۔ جہاں ریت پہاڑی کے نیچے پانی کی طرح بہتی ہے۔
لیکن ریت کا آبشار دراصل کیا ہے؟
کیپشن میں وضاحت کی گئی ہے کہ ریت کی آبشار اس وقت ہوتی ہے جب ریت ایک ڈھلوان سے نیچے گرتی ہے، جو آبشار کا بھرم پیدا کرتی ہے۔ یہ رجحان خشک اور صحرائی ماحول میں عام ہے، جہاں ہوا اور کشش ثقل ریت کے ڈھیلے ہونے اور کھڑی پہاڑیوں یا ٹیلوں کے نیچے بہنے کا سبب بنتی ہے۔
یہ عام طور پر افریقہ کے صحرائے نمیب، صحرائے عرب اور امریکی جنوب مغرب کے کچھ حصوں میں دیکھا گیا ہے۔ یہ جتنا شاندار نظر آتا ہے، یہ صحرا کے بدلتے ہوئے منظرنامے کو بھی نمایاں کرتا ہے۔
واضح رہے یہ ویڈیو پہلے بھی کئی بار وائرل ہوچکی ہے اور ویڈیو میں دکھائی دینے والے عربی نے تقریباً 7 سال پہلے اسے سعودی عرب کے کسی صحرا میں فلمایا تھا، اس ویڈیو کے دوبارہ سوشل میڈیا پر وائرل ہونے پر صارفین حیرت میں مبتلا ہیں۔
