قومی کرکٹ ٹیم کی نئی سلیکشن کمیٹی میں کون کون شامل ہوگا؟

ٹی20 ورلڈکپ 2024 میں قومی ٹیم کی ناقص کارکردگی کے بعد پاکستان کرکٹ بورڈ (پی سی بی) نے کھلاڑیوں کو سلیکٹ کرنے والی کمیٹی میں تبدیلیوں کا آغاز کردیا ہے۔

پی سی بی نے اس حوالے ٹیم کی نئی سلیکشن کمیٹی کے لیے فارمولا تیار کرلیا ہے، نئی سلیکشن کمیٹی میں دونوں فارمیٹ کے کوچز اور کپتان کو شامل کرنے کا فیصلہ کیا گیا ہے۔

یہ بھی پڑھیں : اپنی برطرفی پر وہاب ریاض میدان میں آگئے، وضاحت میں کیا کہا؟

قومی ٹیسٹ کرکٹ ٹیم کے ہیڈ کوچ جیسن گلیسپی اور قومی ون ڈے اور ٹی20 ٹیم کے ہیڈ کوچ گیری کرسٹن کو نئی سلیکشن کمیٹی میں شامل کیا گیا ہے، محمد یوسف اور اسد شفیق بھی کمیٹی میں شامل ہوں گے۔

میڈیا رپورٹس کے مطابق جس فارمیٹ کی ٹیم ہوگی اس کا کپتان بھی سلیکشن کمیٹی میں شامل ہوگا۔

یہ بھی پڑھیں : بس بہت ہوا، جتنا موقع بابر کو ملا اتنا کسی کپتان کو نہیں ملا، شاہد آفریدی

واضح رہے کہ گزشتہ روز پی سی بی نے سابق کرکٹر وہاب ریاض اور عبدالرزاق کو قومی سلیکشن کمیٹی کے عہدوں سے ہٹا دیا تھا جس پر سابق کھلاڑی نے مختلف رائے کا اظہار کیا تھا۔

وہاب ریاض اور عبدالرزاق کو عہدے سے ہٹانے کے فیصلے پر قومی ٹیم کے سابق کپتان شاہد آفریدی نے کہا ہے کہ پی سی بی کا یہ فیصلہ سمجھ سے بالاتر ہے۔

شاہد آفریدی نے کہا ’مجھ سمیت مصباح الحق اور یونس خان نے بھی کپتانی کی لیکن بابراعظم کی طرح اتنا کھلا چانس کسی کپتان کو نہیں ملا، ورنہ جیسے ہی ورلڈکپ ختم ہوتا سب سے پہلے کپتان کے اوپر چھری پھیری جاتی تھی۔‘

یہ بھی پڑھیں : بابر اعظم کو کپتانی سے ہٹانے کا فیصلہ ہوگیا؟ چیئرمین پی سی بی نے مستقبل کے ارادے بتادیے

انہوں نے کہا کہ  بابراعظم کو تو 3 ورلڈکپ، 2 سے 3 ایشیا کپ سمیت زبردست موقع ملا، اب جو بھی سرجری کرنی ہے تو ایک ہی دفعہ کی جائے اور جس کو کپتان بنایا جائے اس کو پورا وقت اور موقع دیا جائے۔

عہدے سے ہٹائے جانے پر وہاب رہاض کا ردعمل

قومی کرکٹ ٹیم کی سلیکشن کمیٹی سے ہٹائے جانے پر وہاب ریاض نے  ایکس ڈاٹ کام پر اپنے رد عمل میں انہوں نے کہا ہے کہ وہ سلیکشن کمیٹی کے ارکان پر دباؤ بڑھانے کے بیانات سے اتفاق نہیں کرتے۔

’میں سلیکشن کمیٹی کے ارکان پر دباؤ بڑھانے کے حوالے سے بیانات سے اتفاق نہیں کرتا، 1 ووٹ 6 پر کیسے حاوی ہوسکتا ہے؟ میٹنگ منٹس میں سب کچھ ریکارڈ پر موجود ہے۔‘

یہ بھی پڑھیں  : پاکستان کرکٹ ٹیم باصلاحیت، کارکردگی میں تسلسل نہ ہونا اہم مسئلہ ہے، کوچ جیسن گلیسپی

بعد ازاں انہوں نے اپنے تفصیلی بیان میں کہا کہ انہیں خوشی ہے کہ پی سی بی میں نمایاں عہدے پر رہ کر ملک و قوم کی خدمت کی ہے، پاکستان کرکٹ ٹیم کے مستقبل کے لیے کامیابی کے سوا کچھ نہیں چاہتا ہوں اور ہمیشہ پاکستان کرکٹ کا وفادار رہوں گا۔

قومی کرکٹ ٹیم کی سلیکشن کمیٹی سے نکالے جانے پر عبدالرزاق کا ردعمل

سلیکشن کمیٹی کے عہدے سے ہٹائے جانے پر سابق کرکٹر عبدالرزاق نے اپنے ایک بیان میں کہا کہ اگر سب کو سلیکشن کمیٹی میں یکساں اختیارات حاصل تھے تو پھر ایک ووٹ سلیکشن کمیٹی میں 6 پر بھاری کیسے ہوسکتا ہے۔