سابق وفاقی وزیر شفقت محمود نے سیاست سے کنارہ کشی اختیار کرلی ہے۔
سوشل میڈیا سائٹ ایکس پر اپنے پیغام میں سابق وفاقی وزیر شفقت محمود نے اپنے پیغام میں کہا کہ انہوں نے بہت سوچ و بچار کے بعد سیاست چھوڑنے کا فیصلہ کرلیا ہے۔
سیاست سے ریٹائرمنٹ
آج سے 34 سال پہلے میں نے سرکاری ملازمت سے استعفیٰ دے کر سیاست میں قدم رکھا۔ بہت سوچ و بچار کے بعد میں نے اب سیاست سے ریٹائر ہونے کا فیصلہ کیا ہے – میں اپنی باقی عمر تحریر اور تدریس کے لیے وقف کرنا چاہتا ہوں۔ یہ فیصلہ نا ہی کسی پریشر کی وجہ سے ہے، اور نا ہی…
— Shafqat Mahmood (@Shafqat_Mahmood) July 21, 2024
شفقت محمود نے کہا کہ سیاست چھوڑنے کا فیصلہ انہوں نے کسی دباؤ کی وجہ سے نہیں کیا اور نہ ہی ان کا کسی اورسیاسی جماعت میں جانے کا ارادہ ہے۔
انہوں نے کہا کہ 34 سال قبل سرکاری ملازمت سے استعفیٰ دے کر سیاست میں قدم رکھا تھا، اب اپنی باقی عمر تحریر اور تدریس کے لیے وقف کرنا چاہتا ہوں۔
سیاست کے اس سفر کے دوران بہت سے نشیب و فراز آئے -سینیٹ اور نیشنل اسمبلی کا ممبر اور وفاقی و صوبائی وزیر رہا۔ جیل کی یاترا کرنے کا بھی اتفاق ہوا۔ مجھے اطمینان ہے کے میں نے ہمیشہ اپنی ساری ذُمّہ داریاں نہایت ایمانداری سے سرانجام دیں اور ہر عہدے کو ایک فرض سمجھ کے نبھایا۔اللّٰہ کا…
— Shafqat Mahmood (@Shafqat_Mahmood) July 21, 2024
انہوں نے کہا کہ یہ اعلان صرف سیاست سے علیحدگی کا ہے اور اس کا تعلق وقت اور عمر کے تقاضے سے ہے، میں ان سے مکمل اتفاق کرتا ہوں جو کہتے ہیں کے سیاست میں نوجوانوں کو آگے آنا چاہیے۔
بطور وزیر تعلیم پاکستان کی تاریخ میں پہلی دفعہ یکساں نصاب بنایا اور کووڈ کے مشکل وقت میں تعلیمی نظام کامیابی سے سنبھالا ۔میں چیئرمین تحریک انصاف جناب عمران خان صاحب کا مشکور ہوں جنہوں نے مجھے یہ خدمت کا موقع فراہم کیا ۔ میں تحریک انصاف اور اپنے حلقے کے عوام کا بھی شکر گزار ہوں…
ان کا کہنا ہے کہ سیاست کے اس سفر کے دوران بہت سے نشیب و فراز آئے، سینیٹ اور نیشنل اسمبلی کا ممبر اور وفاقی و صوبائی وزیر رہا، جیل کی یاترا کرنے کا بھی اتفاق ہوا، مجھے اطمینان ہے کے میں نے ہمیشہ اپنی ساری ذمہ داریاں نہایت ایمانداری سے سرانجام دیں، اللّٰہ کا شکر ہے کے آج تک کسی نےناجائز الزام تک نہیں لگایا۔
— Shafqat Mahmood (@Shafqat_Mahmood) July 21, 2024
شفقت محمود نے کہا کہ انہوں نے بطور وزیر تعلیم پاکستان کی تاریخ میں پہلی دفعہ یکساں نصاب بنایا اور کووڈ کے مشکل وقت میں تعلیمی نظام کامیابی سے سنبھالا۔ ’میں چیئرمین تحریک انصاف عمران خان صاحب کا مشکور ہوں جنہوں نے مجھے یہ خدمت کا موقع فراہم کیا، میں تحریک انصاف اور اپنے حلقے کے عوام کا بھی شکر گزار ہوں جنہوں نے دو دفعہ مجھے شرف نماندگی بخشا، ملک کی خدمت کا یہ جذبہ تاحیات رہے گا اور امید ہے کے تحریر تدریس اور میڈیا کے ذریعے یہ سفر جاری رہے گا۔