بالی ووڈ انڈسٹری کی معروف نو بیاہتا جوڑی اداکارہ سوناکشی سنہا اور ظہیر اقبال بے شادی کے بعد اپنی محبت، شادی کے فیصلے اور اس پر خاندان کے ردعمل کے بارے میں کھل کر بات کی ہے۔
سوناکشی اور ظہیر کا شادی کے بعد دیا گیا پہلا انٹرویو سوشل میڈیا پر وائرل ہے جس میں اداکارہ کا کہنا تھا کہ انہوں نے ہی ظہیر سے پہلے اظہار محبت کیا تھا اور شادی کی پیشکش کی تھی جس پر ظہیر شروع شروع میں تھوڑا نروس تھے اور وقت لینا چاہتے تھے۔
مزید پڑھیں: سوناکشی کے ساتھ بھاگ کر شادی کرنا چاہتا تھا مگر۔۔۔، ظہیر اقبال نے اہم راز سے پردہ اٹھا دیا
میزبان کی جانب سے جب سوناکشی سے سوال کیا گیا کہ انہیں ظہیر کی سب سے بری عادت کون سی لگتی ہے تو ان کا کہنا تھا کہ ایسی کوئی عادت نہیں ہے جو انہیں نمایاں طور پر پریشان کرتی ہو لیکن پھر انہوں نے تسلیم کیا کہ ظہیر کی جانب سے مسلسل سیٹی بجانے کی عادت شاید ان کے لیے تھوڑی پریشان کن ہو سکتی ہے۔
ظہیر اقبال نے انکشاف کیا ہے کہ انہوں نے شادی سے قبل سوناکشی کو پرپوز کرنے کے لیے اداکارہ کے والد شتروگھن سنہا سے باقاعدہ طور پر اجازت لی تھی اور ان کی منگنی30 دسمبر 2022ء کو ہی ہو گئی تھی۔
مزید پڑھیں: سوناکشی سنہا نے شادی کے خاص اور جذباتی لمحات شیئر کردیے
واضح رہے کہ سوناکشی سنہا اور ظہیر اقبال 23 جون کو رشتہ ازدواج میں منسلک ہوئے تھے۔ شوبز جوڑے کی شادی کی تقریب ممبئی کے ایک ہوٹل میں منعقد ہوئی تھی جس میں اہل خانہ سمیت دوستوں اور رشتہ داروں نے شرکت کی تھی۔
