مایہ ناز بھارتی ریسلر ونیش پھوگاٹ نے ریسلنگ سے ریٹائرمنٹ کا اعلان کردیا ہے، انہیں 50 کلو گرام فری اسٹائل ریسلنگ مقابلے کے فائنل سے قبل وزن کم کرنے میں ناکامی کے باعث بدھ کو پیرس اولمپکس سے نااہل قرار دیدیا گیا تھا۔
طلائی تمغہ کے حصول کے لیے پھوگاٹ کو امریکی سارہ ہلڈیبرانڈ کے ساتھ فائنل میں مقابلہ درپیش تھا تاہم 29 سالہ بھارتی ریسلر ایک ہفتے تک بھوکی رہنے اور اپنے مقابلے کے لیے درکار وزن کی حد کو پانے کے لیے سونا میں گھنٹوں گزارنے کے باوجود فقط 100 گرام کے فرق سے نااہل قرار پائیں۔
یہ بھی پڑھیں: تنازعات کی شکار بھارتی ریسلر اولمپک فائنل کے لیے نااہل کیوں قرار پائیں؟
سماجی رابطے کی ویب سائٹ ایکس پر اپنی ایک پوسٹ میں وینیش پھوگاٹ نے لکھا کہ ریسلنگ جیت گئی اور میں ہار گئی، میرے خواب چکنا چور ہو گئے۔ میرے پاس مزید طاقت نہیں ہے۔ ’الوداع ریسلنگ 2001-2024، میں ہمیشہ آپ سب کی مقروض رہوں گی، مجھے افسوس ہے۔‘
Vinesh Phogat retires from wrestling with these words in an X post.
“Wrestling won the match against me, I lost…my courage is all broken, I don't have any more strength now. Goodbye Wrestling 2001-2024. I will forever be in your debt#Vinesh pic.twitter.com/ac5k1l2DJq
— Arun Ramamurthi (@arunramamurthi) August 8, 2024
کیوبا کے یوزنیلیس گزمین لوپیز نے فائنل میں پھوگاٹ کی جگہ حصہ لیا جہاں ہلڈیبرانڈ نے 3-0 سے جیت کر گولڈ میڈل حاصل کرلیا ہے، پھوگاٹ نے کھیلوں کے مقابلوں میں ثالثی کے لیے قائم عدالت سے چاندی کے تمغہ کے حصول کے لیے رجوع کیا تھا، جس کا فیصلہ آج ہی کسی وقت متوقع ہے۔
مزید پڑھیں: اولمپکس سے نااہل بھارتی ریسلر وینیش پھوگاٹ کا کھیلوں کی عالمی عدالت سے رجوع
اولپمکس قوانین کے مطابق نااہل قرار دیے جانیوالا ایتھلیٹ مقابلوں کی پوزیشن میں آخری نمبر پر چلا جاتا ہے، تاہم بھارتی ریسلر کا موقف ہے کہ آخری مقابلے سے قبل ان کا وزن جائز ہونے کی بنیاد پر وہ چاندی کے تمغے کی حقدار ہیں، اور اسی موقف کی بنیاد پر انہوں نے کھیلوں کی عالمی عدالت سے ثالٹی کی اپیل کی ہے، جہاں سے آج فیصلہ متوقع ہے۔
BIG BREAKING 🚨⚡
The Opposition has walked out of the Parliament as protest against Modi Govt’s weak stand on Vinesh Phogat’s disqualification
The Opposition accused the Govt of not trying hard enough & not able to save our national heroes.
Several MPs also raised the suspect… pic.twitter.com/bZeKtZOzXw
— Ankit Mayank (@mr_mayank) August 7, 2024
دریں اثنا وینیش پھوگاٹ کی اولمپکس سے نااہلی پر اپوزیشن جماعتوں نے مودی حکومت کے کمزور موقف کے خلاف پارلیمنٹ سے واک آؤٹ کیا، اپوزیشن نے الزام لگایا کہ حکومت کافی کوشش نہیں کر رہی اور اپنے قومی ہیروز کو بچانے میں ناکام رہی ہے۔
کئی ارکان پارلیمنٹ نے وینیش پھوگاٹ کے معاملہ پر اندرونی تخریب کاری اور سازش کا شک بھی ظاہر کرتے ہوئے کہا کہ ہندوستانی قوم اپنے قومی ہیرو کے ساتھ متحد ہے۔
