جماعت اسلامی پاکستان کے نائب امیر لیاقت بلوچ نے وفاقی وزیر داخلہ محسن نقوی کے ساتھ ٹیلی فونک رابطہ کیا ہے۔
محسن نقوی اور لیاقت بلوچ کے درمیان طے پایا کہ حکومتی اور جماعت اسلامی کی مذاکراتی کمیٹیوں میں طے پانے والے معاہدہ پر جائزہ کے لیے آئندہ 3 سے 4 روز میں اسلام آباد یا لاہور میں میٹنگ ہوگی، اور معاہدے پر عملدرآمد کا جائزہ لیا جائے گا۔
یہ بھی پڑھیں معاہدہ شروع ہو چکا، عوام کو ریلیف نہ ملا تو 45 دنوں سے قبل اسلام آباد کا رخ کریں گے، حافظ نعیم الرحمان
ذرائع کے مطابق وزیر داخلہ محسن نقوی نے معلوم کیاکہ آپ کے حافظ صاحب کہاں ہیں۔ جس پر لیاقت بلوچ نے کہاکہ وہ پورے ملک میں دورہ پر ہیں تاکہ معاہدہ کے مطابق عوام کو لازماً ریلیف مل جائے اور حکومت غفلت نہ کرے۔
وزیر داخلہ نے کہاکہ وزیر اعظم شہباز شریف عوام کو ریلیف دینے اور مشکلات میں کمی لانے کے لیے بہت تیزی سے کام کررہے ہیں۔
یہ بھی پڑھیں حکومت اور جماعتِ اسلامی کے درمیان معاہدے میں کیا طے پایا؟
واضح رہے کہ جماعت اسلامی پاکستان نے بجلی کے بلوں میں کمی اور آئی پی پیز کے ساتھ معاہدوں پر نظر ثانی کے لیے راولپنڈی میں دھرنا دیا تھا، اور اس دوران حکومت کے ساتھ مذاکرات میں یہ طے پایا تھا کہ جماعت اسلامی کے مطالبات پر 45 روز میں عملدرآمد کیا جائے گا۔