مسلم لیگ ن کے قائد نواز شریف نے وفاقی وزیر داخلہ رانا ثناء اللہ کو پنجاب اسمبلی کی ممکنہ تحلیل روکنے کیلئے ہر ممکن اقدام کرنے کی ہدایت کر دی۔
پارٹی ذرائع کے مطابق نواز شریف کا رانا ثناء اللہ کا رابطہ ہوا ہے جس میں انہوں نے نواز شریف کو پنجاب اسمبلی کی تحلیل روکنے کے معاملے پر دستیاب آئینی و قانونی آپشنز پر بریفنگ دی۔
پارٹی ذرائع کا کہنا ہے کہ نواز شریف کی ہدایت پر وزیراعلی ٰپنجاب کے خلاف تحریک عدم اعتماد جمع کروائے جانے کا امکان ہے۔ تحریک عدم اعتماد پر آج ہی اراکین کے دستخط کروا لئے جائیں گے۔
وزیراعلیٰ کیخلاف تحریک عدم اعتماد مکمل کر کے نواز شریف کو رپورٹ پیش کی جائے گی۔ نواز شریف اور مریم نواز کی اجازت ملتے ہی تحریک عدم اعتماد جمع کروا دی جائے گی۔
نواز شریف نے رانا ثنا اللہ کو آصف زرداری سے بھی مزید مشاورت کرنے کی ہدایت کر دی۔
