پاکستان میں متعارف نئی ہنڈا سوک میں نیا فیچر کیا ہے؟

پاکستان میں گاڑیوں (کاروں) میں جو مقبولیت ہنڈا سوک کو حاصل ہے وہ شاید ہی کسی اور گاڑی کو ہو۔ ہنڈا اٹلس کی جانب سے سوک ماڈلز میں بتدریج انقلابی تبدیلیاں کی جاتی رہیں، کمپنی کی اسی جدت طرازی کی بدولت پاکستان میں سوک کو ایک انتہائی خوبصورت اور اسٹائلش گاڑی تصور کیا جاتا ہے۔

ہنڈا اٹلس نے اپنی جدت پسندی کی روایت کو برقرار رکھتے ہوئے ایک بار پھر ہنڈا سوک کو اپ گریڈ کیا ہے اور اس میں ایک نیا فیچر متعارف کرایا ہے۔ ہنڈا اٹلس نے سوشل میڈیا پر شیئر کی گئی اپنی پوسٹ میں اعلان کیا ہے کہ ہنڈا سوک اب وائرلیس چارجنگ کے آپشن کے ساتھ دستیاب ہوگی۔

یہ بھی پڑھیں: نئی ہنڈا سوک مارکیٹ میں آگئی، ڈیزائن کیسا ہے اور اس میں کیا نئے فیچرز ہیں؟

ہنڈا اٹلس کے مطابق، یہ آپشن ہنڈا سوک اوریل اور آر ایس ویرینٹس میں دستیاب ہوگا۔ کمپنی نے صارفین سے کہا ہے کہ وہ قریبی ہنڈا تھری ایس ڈیلرشپ جاکر اس حوالے سے مزید تفصیلات حاصل کرسکتے ہیں۔

اگر آپ بھی ہنڈا سوک کے مداح ہیں اور نئی سوک خریدنے کا ارادہ رکھتے ہیں تو یہ آپ کے لیے ایک زبردست فیچر کے ساتھ نئی گاڑی خریدنے کا شاندار موقع ہے۔ اس نئے فیچر کی بدولت آپ گاڑی چلانے پر توجہ مرکوز رکھتے ہوئے کیبل کے بغیر اپنے موبائل فون کو چارج کرسکیں گے۔ پاکستان میں یہ فیچر پہلی مرتبہ ہنڈا سوک سیڈان 2022 میں لانچ کیا گیا تھا۔

یہ بھی پڑھیں: ہنڈا پاکستان نے اپنی گاڑی کی قیمت میں بڑی کمی کا اعلان کردیا