اسلام آباد میں بلدیاتی انتخابات ایک بار پھر ملتوی کردیے گئے۔
یہ بھی پڑھیں: اسلام آباد بلدیاتی انتخابات کی تاریخ میں توسیع، اب پولنگ کب ہوگی؟
پاکستان الیکشن کمیشن نے اسلام آباد میں بلدیاتی انتخابات کا شیڈول معطل کردیا ہے۔ اس حوالے سے الیکشن کمیشن نے نوٹیفکیشن بھی جاری کردیا۔
الیکشن کمیشن آف پاکستان نے اسلام آباد میں بلدیاتی انتخابات ملتوی کردیئے ۔@ECP_Pakistan @GovtofPakistan @UNDP_Pakistan pic.twitter.com/oJ62sKt1lg
— Muhammad Awais (@pkawais1) September 4, 2024
قبل ازیں الیکشن کمیشن نے 29 ستمبر اور پھر 9 اکتوبر کو دارالحکومت میں بلدیاتی انتخابات کے انعقاد کا اعلان کیا تھا۔
مزید پڑھیں: اسلام آباد میں بلدیاتی انتخابات ایکٹ کا ترمیمی بل کثرت رائے سے منظور
الیکشن کمیشن کے اعلامیے کے مطابق بلدیاتی ایکٹ میں ترمیم کے بعد شیڈول نوٹیفکیشن تاحکم ثانی معطل کردیا گیا ہے۔
واضح رہے کہ پہلے اسلام آباد میں بلدیاتی انتخابات 29 ستمبر کو کرانے کا اعلان کرتے ہوئے کہا گیا تھا کہ اسلام آباد کے بلدیاتی انتخابات 3 مختلف مراحل میں ہوں گے، پہلے مرحلے میں 125 یونین کونسلز کی 1625 نشستوں پر براہ راست الیکشن ہوگا۔
بعد ازاں الیکشن کمیشن کے جاری اعلامیہ میں کہا گیا کہ الیکشن کمیشن نے مختلف سیاسی پارٹیوں کی درخواستوں اور متوقع امیدواروں کی انتخابی عمل میں شمولیت اور انہیں اس سلسلے میں ہرممکن سہولت فراہم کرنے کے لیے اسلام آباد میں بلدیاتی انتخابات کے لیے کاغذا ت نامزدگی جمع کرانے کی تاریخ بڑھادی ہے اور اب پولنگ 9 اکتوبر کو ہوگی۔
مزید پڑھیں: نشان جو بھی ملے، اسلام آباد کے بلدیاتی انتخابات میں ضرور حصہ لیں گے، بیرسٹر گوہر
الیکشن کمیشن کے اعلان کے مطابق اسلام آباد کی ہر یونین کونسل میں 13 نشستوں پر الیکشن ہوگا، چیئرمین اور وائس چیئرمین، 6 جنرل نشستوں پر انتخابات ہوں گے، 2خواتین، مزدور، کسان، نوجوان اور غیرمسلم کی ایک ایک سیٹ پر الیکشن ہوگا، اسلام آباد کی 125 یونین کونسلز میں بلدیاتی الیکشن جماعتی بنیاد پر ہوگا۔
