وزیراعلیٰ خیبرپختونخوا علی امین گنڈا پور نے کہا ہے کہ آئینی ترامیم بل پاس ہونا تو دور کی بات ہے کسی کی جرات نہیں ہوگی کہ آئندہ بل پیش کرے۔
مزید پڑھیں:بلاول بھٹو کی پھر مولانا فضل الرحمان سے ملاقات، آئینی ترامیم پر حمایت کا مطالبہ دہرا دیا
پشاور میں میڈیا سے گفتگو میں علی امین گنڈا پور نے کہا کہ آئینی ترامیم جمہوریت پر حملہ ہے اور ہم اس کو کامیاب نہیں ہونے دیں گے، انہوں نے سوچا کیسے کہ وہ جمہوریت کے ہوتے ہوئے ایسا بل لائیں گے۔ یہ جو اپنے آپ کو جمہوری پارٹیاں کہتی ہیں انہیں شرم آنی چاہیئے۔
مزید پڑھیں:مجوزہ آئینی ترامیم کیخلاف درخواست سپریم کورٹ میں دائر
وزیراعلیٰ خیبرپختونخوا نے کہا کہ ہم عدلیہ کے ساتھ کھڑے ہیں، ہم پارلیمنٹ میں ان کو شکست دیں گے۔ ہم اپنے جائز حق کے لیے کھڑے رہیں گے، اس طرح کا بل پاس ہونا تو دور کی بات ہے، وہ آئندہ اسمبلی میں پیش بھی نہیں کرسکتے۔
مزید پڑھیں:آئینی ترامیم کا معاملہ، نواز شریف وزیراعظم اور وزرا سے کیوں ناراض ہوگئے؟
واضح رہے کہ آئینی ترامیم کا بل پاس کروانے کے لیے حکومت نے خلافِ معمول ہفتے اور اتوار کے روز بھی قومی اسمبلی اور سینیٹ کے اجلاس طلب کر رکھے تھے، لیکن ترامیم کے لیے مطلوبہ نمبرز پورے نہ ہونے پر ترامیمی بل پاس نہیں کروایا جا سکا تھا۔
