عالمی مالیاتی فنڈ (آئی ایم ایف) کی مینیجنگ ڈائریکٹر کرسٹالینا جورجوا نے کہا ہے کہ پاکستان کی معیشت درست سمت میں گامزن ہے۔
واشنگٹن میں آئی ایم ایف ایگزیکٹو بورڈ کے اجلاس کے بعد میڈیا سے گفتگو کرتے ہوئے انہوں نے کہاکہ حکومت پاکستان امیروں سے ٹیکس لے کر غریبوں کی مدد کررہی ہے۔
یہ بھی پڑھیں آئی ایم ایف نے پاکستان کے لیے 7 ارب ڈالر کے بیل آؤٹ پیکج کی منظوری دیدی
انہوں نے کہاکہ پاکستان نے اصلاحات کی ہیں جس سے معیشت بہتر ہورہی ہے، اور مہنگائی میں کمی ہورہی ہے۔
واضح رہے کہ عالمی مالیاتی فنڈ (آئی ایم ایف) کے ایگزیکٹو بورڈ نے پاکستان کے لیے 7 ارب ڈالر کے بیل آؤٹ پیکج کی منظوری دے دی ہے۔
وزیراعظم پاکستان شہباز شریف نے آئی ایم ایف پروگرام کی منظوری پر اطمینان کا اظہار کرتے ہوئے کہا ہے کہ اس قرض پروگرام کو آخری بنانے کے لیے محنت کرنا ہوگی۔
دوسری جانب وزیر خزانہ محمد اورنگزیب نے کہا ہے کہ آئی ایم ایف کی جانب سے بیل آؤٹ پیکج کی منظوری موجودہ حکومت کی پالیسیوں کی توثیق ہے۔
یہ بھی پڑھیں آئی ایم ایف پروگرام کی منظوری حکومتی پالیسیوں کی توثیق، ڈھانچہ جاتی اصلاحات کے لیے پرعزم ہیں، وزیر خزانہ
انہوں نے کہاکہ آئی ایم ایف نے اگلے 3 سال کے لیے قرض پروگرام کی منظوری دی ہے، ہم اعتماد کرنے پر عالمی مالیاتی ادارے کے شکر گزار ہیں۔
