قطر ایئر ویز کی پروازیں کب بحال ہوں گی؟ کمپنی نے اعلان کردیا

قطر ایئر ویز کے حکام کا کہنا ہے کہ فضائی حدود کی بندش عارضی ہے۔ جیسے ہی حالات معمول پر آئیں گے، پروازوں کی بحالی سے متعلق باضابطہ اعلان کیا جائے گا۔

قطر سول ایوی ایشن اتھارٹی کی جانب سے فضائی حدود کی عارضی بندش کے بعد قطر ایئر ویز نے اپنی تمام پروازیں وقتی طور پر معطل کرنے کا اعلان کر دیا ہے۔

ایئرلائن حکام کے مطابق یہ فیصلہ مسافروں اور عملے کی حفاظت کو مدنظر رکھتے ہوئے کیا گیا ہے۔

حماد انٹرنیشنل ایئرپورٹ پر اضافی عملہ تعینات

حماد انٹرنیشنل ایئرپورٹ پر مسافروں کی سہولت کے لیے اضافی گراؤنڈ اسٹاف تعینات کر دیا گیا ہے۔

ایئرپورٹ انتظامیہ کے مطابق موجودہ صورتحال کو سنبھالنے اور مسافروں کو معلومات فراہم کرنے کے لیے خصوصی کاؤنٹرز قائم کیے گئے ہیں۔

مسافروں کے لیے خصوصی انتظامات

قطر ایئرویز کی جانب سے کہا گیا ہے کہ اس خلل کے دوران مسافروں کو کم سے کم پریشانی کا سامنا ہو، اس کے لیے تمام ضروری انتظامات کیے جا رہے ہیں۔

مسافروں کو ہدایت کی گئی ہے کہ وہ اپنی پروازوں سے متعلق تازہ ترین معلومات کے لیے ایئرلائن کی ویب سائٹ یا ہیلپ لائن سے رابطہ کریں اور ایئرپورٹ روانگی سے قبل پرواز کا اسٹیٹس ضرور چیک کریں۔

صورتحال پر مسلسل نظر

حکام کے مطابق فضائی حدود کی بندش عارضی ہے اور صورتحال کا مسلسل جائزہ لیا جا رہا ہے۔ جیسے ہی حالات معمول پر آئیں گے، پروازوں کی بحالی سے متعلق باضابطہ اعلان کیا جائے گا۔

مسافروں کو مشورہ دیا گیا ہے کہ وہ صبر و تحمل کا مظاہرہ کریں اور سرکاری ہدایات پر عمل کریں۔