قومی کرکٹر کامران غلام نے اپنے پہلے ہی ٹیسٹ میچ میں شاندار سینچری بنا ڈالی۔ کامران غلام نے 192گیندوں پرسینچری مکمل کی،ان کی سینچری میں 1 چھکا اور 9چوکے شامل تھے ،کامران غلام ٹیسٹ ڈیبیوپر سینچری کرنےوالے 13ویں پاکستانی کھلاڑی بن گئے۔
سینچری اسکور کرنے کے بعد سوشل میڈیا صارفین کی جانب سے ان کو مبارکباد دینے کا سلسلہ جاری ہے، پاکستان کرکٹ ٹیم کے سابق کپتان محمد حفیظ نے کامران غلام کو مبارکباد دی جبکہ سابق انگلش کپتان مائیکل وان نے سماجی رابطوں کی سائیٹ ایکس پر تبصرہ کرتے ہوئے کہا ہے کہ کامران غلام نے شاندار اننگز کھیلی ہیں۔
Fantastic innings .. 👍 https://t.co/xOl5SrCOVb
— Michael Vaughan (@MichaelVaughan) October 15, 2024
ایک صارف نے لکھا کہ بابر اعظم کی جگہ لینے والے کامران غلام نے ٹیسٹ ڈیبیو پر سینچری بنا لی ہے۔
Babar Azam's replacement Kamran Ghulam scored a century on Test debut. pic.twitter.com/BtKu6GoNJL
— Mufaddal Vohra (@mufaddal_vohra) October 15, 2024
سلیم خالق لکھتے ہیں کہ طویل انتظار کے بعد پہلی بارقومی ٹیم کی نمائندگی کاموقع ملے اوروہ بھی بابراعظم جیسے کھلاڑی کی جگہ تودباؤ دگنا ہونا کوئی غیرمعمولی بات نہیں ہوتی مگر اس کے باوجود کامران غلام نے اپنے حواس قابو میں رکھتے ہوئے ڈیبیو پر شاندار سینچری بنا دی جس پر وہ داد کے حقدار ہیں۔
طویل انتظارکے بعد پہلی بارقومی ٹیم کی نمائندگی کاموقع ملے اوروہ بھی بابراعظم جیسے کھلاڑی کی جگہ تودبائودگناہونا کوئی غیرمعمولی بات نہیں ہوتی،مگر اس کے باوجود کامران غلام نے اپنے حواس قابو میں رکھتے ہوئے ڈیبیو پر شاندار سنچری بنا دی جس پر وہ داد کے حقدار ہیں، زبردست بیٹنگ کامران
— Saleem Khaliq (@saleemkhaliq) October 15, 2024
نصیر اعوان نے لکھا کہ کچھ لوگ کہہ رہے تھے کے بابر اعظم کو صرف اس ٹیسٹ سیریز کے بقیہ میچز میں ریسٹ دیا ہے لیکن اب تو بابر اعظم پکے پکے ٹیسٹ ٹیم سے آؤٹ ہو جائیں گے کیونکہ ان کی جگہ کامران غلام نے آتے ہی سینچری اسکور کردی اور ٹیسٹ ڈیبیو سینچری میکر ہوگیا ہے۔
کچھ لوگ کہہ رہے تھے کے بابر اعظم کو صرف اس ٹیسٹ سیریز کے بقیہ میچز میں ریسٹ دیا ہے
لیکن اب تو بابر اعظم پکا پکا ٹیسٹ ٹیم سے گیا۔کیونکہ اس کی جگہ چوتھے نمبر پر جو نیا لڑکا آیا ہے کامران غلام اس نے آتے ہی سو کردیا ہے ٹیسٹ ڈیبیو سینچری میکر ہوگیا ہے😊 ابھی بھی ناٹ آؤٹ ہے👌
— Naseer Awan(نصیر اعوان) (@MNasAwan555) October 15, 2024
سید حارث لکھتے ہیں کہ بابر اعظم ایک اچھا کھلاڑی ہے لیکن جب سے کپتان بنا اس کے بعد انہوں نے خود پر محنت کرنا چھوڑ دی جس کا نقصان اب انہیں اٹھانا پڑ رہا ہے۔ کامران غلام کا ٹیسٹ ٹیم میں آنا اور پرفارم کرنے سے بابر کے لیے ٹیسٹ ٹیم میں واپسی کا مقابلہ سخت ہو گیا ہے۔
بابر ایک اچھا کھلاڑی تھا اور ہے لیکن بابر جب کپتان بنا اس کے بعد وہ اور چکروں میں پڑ گیا اور خود پر محنت کرنا چھوڑ دیا جس کا نقصان اب بابر کو اٹھانا پڑ رہا ہے۔ کامران غلام کا ٹیسٹ ٹیم میں آنا اور پرفارم کرنے سے بابر کیلئے ٹیسٹ ٹیم میں واپسی کیلئے مقابلہ سخت ہو گیا ہے #PAKvsENG
— Syed Haris (@Syedharis_96) October 15, 2024
واضح رہے بابر اعظم کو ٹیسٹ سکواڈ سے ڈراپ کیے جانے کے بعد کامران غلام کو پلیئنگ الیون کا حصہ بنایا گیا تھا۔ انگلینڈ کرکٹ ٹیم کو تین ٹیسٹ میچوں کی سیریز میں 1-0 کی برتری حاصل ہے، تیسرا ٹیسٹ 24 اکتوبر سے راولپنڈی کرکٹ سٹیڈیم میں کھیلا جائے گا۔
