گورنر سندھ فیصل کریم کنڈی نے کہا ہے کہ پی ٹی آئی کو مولانا فضل الرحمان کی مسڈ کال کا انتظار ہے، مولانا بھی پی ٹی آئی والوں سے چن چن کر بدلا لے رہے ہیں۔
یہ بھی پڑھیں: ایس سی او کانفرنس کے موقع پر پی ٹی آئی کا ڈی چوک میں احتجاج کا اعلان سازش ہے، فیصل کریم کنڈی
گورنر خیبرپختونخوا فیصل کریم کنڈی نے حیدرآباد میں سینیئر صوبائی وزیر شرجیل میمن کے ہمراہ پریس کانفرنس کرتے ہوئے کہا کہ 18ویں ترمیم کے لیے پیپلز پارٹی کے پاس سادہ اکثریت نہیں تھی پھر بھی پاس کرائی تھی، اس بار بھی آئینی ترمیم پاس بھی کرالیں گے۔
گورنر کے پی فیصل کریم کنڈی نے کہا کہ صوبے میں دہشتگرد عصر کے بعد روڈ پر نکلتے جاتے ہیں، اس دوران صوبے میں تھانے بند ہو جاتے ہیں، صوبے کے امن کے لیے ہم وزیراعلیٰ خیبرپختونخوا کے پاس گئے تھے۔
یہ بھی پڑھیں: خیبرپختونخوا حکومت ایک نعرے ’کرپشن کرپشن‘ پر چل رہی ہے، فیصل کریم کنڈی
فیصل کریم کنڈی نے کہا کہ پی ٹی آئی والے اب مولانا فضل الرحمان کی مسڈ کالز کا انتظار کررہے ہیں، مولانا اب پی ٹی آئی سے چن چن کر بدلے لے رہے ہیں۔
اس موقع پر شرجیل میمن نے کہا کہ گورنر خیبرپختونخوا 18 اکتوبر کے جلسے میں شرکت کے لیے آئے ہیں، یہ جلسہ ماضی کے تمام جلسوں کا ریکارڈ توڑے گا، اس تاریخی دن پر چئیرمین بلاول بھٹو آگے کے لائحہ عمل کا بتائیں گے۔
یہ بھی پڑھیں: وزیراعلیٰ صوبائی اسمبلی میں اعتماد کھو چکے ہیں، گورنر فیصل کریم کنڈی
شرجیل میمن نے کہا کہ غریبوں کے لیے ہاؤسنگ پروجیکٹ بنا رہے ہیں، دو روز قبل ہاری کارڈ متعارف کرایا جس پر 20 ارب روپے خرچ ہو چکے ہیں، ہم چاہتے ہیں کہ آئینی ترمیم کے معاملے پر سب سیاسی جماعتوں کا اتفاق ہو، یہ ملک گلدستہ ہے سوچ سمجھ کر قانون بنانے چاہئیں۔
