وزیر دفاع خواجہ محمد آصف نے کہا ہے کہ آئینی ترمیم کے لیے مطلوبہ تعداد ہمارے پاس ہے، لیکن اتفاق رائے کی کوشش کر رہے ہیں۔ ہماری کوشش ہے اور خواہش ہے کہ مولانا مان جائیں۔
آئینی ترمیم کےلئے مطلوبہ تعداد ہمارے پاس ہے، اتفاق رائے کی کوشش کر رہے ہیں، ہماری کوشش اور خواہش ہے، مولانا مان جائیں، جب آپ اتفاق رائے پیدا کرنے کی کوشش کر رہے ہوتے ہیں تو اجلاس تاخیر کا شکار ہو جاتے ہیں، آئینی ترمیم کرکے چھوڑیں گے ۔خواجہ آصف pic.twitter.com/oPwYpmmSaD
— WE News (@WENewsPk) October 19, 2024
پارلیمنٹ ہاؤس میں صحافیوں سے غیر رسمی گفتگو کرتے ہوئے ان کا کہنا تھا کہ جب آپ اتفاق رائے پیدا کرنے کی کوشش کر رہے ہوتے ہیں تو اجلاس تاخیر کا شکار ہو جاتے ہیں، تاہم آئینی ترمیم کرکے چھوڑیں گے۔
مزید پڑھیں: آئینی ترمیم منظور نہ ہونے سے حکومت کو کیا نقصان ہوگا؟
واضح رہے کہ 26 ویں آئینی ترمیم کے معاملے پر آج وفاقی کابینہ، سینیٹ اور قومی کے اجلاس دوبارہ منعقد ہونا ہیں، تاہم وفاقی کابینہ اور سینیٹ کے اجلاس کے مقررہ وقت میں صبح سے اب تک 2 بار تبدیلی کی جا چکی ہے۔
