چین میں ماحولیاتی بہتری اور شہری علاقوں میں سبزہ بڑھنے کے ساتھ لوگوں کے تفریحی رجحانات بھی تیزی سے بدل رہے ہیں۔ اب شہری دور دراز سیاحتی مقامات کے بجائے اپنے محلوں کے قریب دریاؤں، پارکوں اور جھیلوں کا رخ کر رہے ہیں، جہاں کشتی رانی، پیڈل بورڈنگ، کیمپنگ اور پرندوں کا مشاہدہ مقبول ہوتا جا رہا ہے۔
چینی خبررساں ادارے شنہوا کے مطابق بیجنگ کا لیانگما دریا اس تبدیلی کی نمایاں مثال ہے۔ ایک دہائی قبل گندا اور نظرانداز سمجھا جانے والا یہ دریا صفائی، ماحولیاتی بحالی اور شہری تزئین کے منصوبوں کے بعد آج شہریوں کی پسندیدہ تفریح گاہ بن چکا ہے۔ دریا کے دونوں کناروں پر گرین ویز، پل اور تفریحی سہولیات تعمیر کی گئی ہیں۔
One trip to China is enough to shatter decades of demonizing stereotypes from the West.
In Chengdu, citizens have access to the world's best urban ecological parks and can enjoy them completely free of charge. pic.twitter.com/lhTplBIiMy
— Li Zexin 李泽欣 (@XH_Lee23) August 8, 2026
چین میں شہری کیمپنگ بھی تیزی سے مقبول ہوئی ہے۔ 2024 کے اختتام تک ملک میں 2,055 مخصوص کیمپنگ مقامات قائم ہوچکے تھے، جبکہ 2026 تک کیمپنگ صنعت کا بنیادی مارکیٹ حجم 291.95 ارب یوآن تک پہنچنے کا اندازہ ہے۔
شنگھائی میں پارکوں کی تعداد بڑھنے سے شہری پرندوں کے مشاہدے کی طرف بھی راغب ہوئے ہیں۔ 2025 میں شہر میں جنگلی پرندوں کی 543 اقسام ریکارڈ ہوئیں، جو 2016 کی 475 اقسام کے مقابلے میں نمایاں اضافہ ہے۔
یہ بھی پڑھیں:چین میں کاروں کی فروخت گھٹی، بیرونِ ملک چینی گاڑیوں کی مانگ میں زبردست اضافہ
ماہرین کے مطابق ماحول کی بحالی نے نہ صرف شہریوں کو فطرت کے قریب کیا بلکہ ماحولیاتی شعور بھی بڑھایا ہے۔ چین کی حکومت نے 2030 تک ماحول کے تحفظ اور سبز طرزِ زندگی کے فروغ کے لیے قومی منصوبہ بھی مرتب کیا ہے۔
