انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کر دی ہے۔ نعمان علی اور سعود شکیل باؤلنگ اور بیٹنگ کی ٹیسٹ رینکنگ میں ٹاپ 10 میں آ گئے ہیں۔ سعودشکیل 20 درجے ترقی کے بعد 7ویں نمبر پر آ گئے ہیں جبکہ نعمان علی 8 درجے ترقی کے بعد 9ویں نمبر پر آگئے ہیں۔
مزید پڑھیں:نئی ٹیسٹ رینکنگ جاری، بابر اعظم 5 سال میں پہلی مرتبہ ٹاپ 10 سے باہر، شاہین کی بھی تنزلی
ٹیسٹ بیٹرز میں انگلینڈ کےجوروٹ کی پہلی پوزیشن برقرار ہے۔ نیوزی لینڈ کے کین ولیمسن کا دوسرا نمبر ہے۔ بھارت کے یشسی جیسوال ایک درجے ترقی کے بعد تیسرے نمبر پر آگئے ہیں۔ ویرات کوہلی 6 درجے تنزلی کے بعد 14ویں نمبر پر چلے گئے، نیوزی لینڈ کے راچن رویندرا 8 درجےترقی کے بعد 10ویں نمبرپر جبکہ پاکستان کے بابراعظم 19 سے 18 نمبر پر آگئے ہیں۔
مزید پڑھیں:آئی سی سی ٹیسٹ رینکنگ، بابراعظم اوپر سے کتنا نیچے آئے؟
ٹیسٹ بولرزکی رینکنگ میں بھارت کے جسپریت بمرا کی پہلی پوزیشن چھن گئی ہے۔ جنوبی افریقا کے کگیسو ربادا نمبر ون بولر بن گئے ہیں، ان کی رینکنگ میں 3 درجے ترقی ہوئی ہے۔ جسپریت بمرا تیسرے نمبر پر چلے گئے ہیں اور آسٹریلیا کے جوش ہیزل ووڈ ایک درجے ترقی کے بعد دوسرے نمبر پر آ گئے ہیں۔
