بابراعظم انٹرنیشنل کرکٹ کونسل (آئی سی سی) کی بیٹرز ٹیسٹ رینکنگ میں ایک درجہ تنزلی کے بعد چوتھے پرآگئے ہیں، بالرز میں شاہین شاہ آفریدی پاکستان کی جانب سے واحد بولرز ہیں جو ٹاپ 10 میں شامل ہیں۔
آئی سی سی کی جاری کردہ نئی ٹیسٹ رینکنگ کے مطابق بیٹرز میں نیوزی لینڈ کے کین ولیمسن پہلے نمبر پر ہیں، انگلینڈ کے جوروٹ دوسرے اور انگلینڈ کے ہیری بروک تیسرے نمبر پر موجود ہیں، پاکستان کے بابراعظم ایک درجہ تنزلی کے بعد تیسرے سے چھوتھے نمبر پر چلے گئے ہیں۔
یہ بھی پڑھیں : بابراعظم، محمد رضوان کی کپتانی میں کھیلنے پر آمادہ؟
بابراعظم سے ان کی تیسری پوزیشن انگلینڈ کے ہیری بروک نے چھینی ہے، جو 4 درجے ترقی کرکے اس پوزیشن پر براجماں ہوئے ہیں۔
ڈیرل مچل، اسٹیو اسمتھ اور روہت شرما بھی ایک ایک درجہ تنزلی کے بعد پانچویں چھٹے اور ساتویں نمبر پر چلے گئے ہیں۔
ٹیسٹ بولرز کی ٹاپ 10 رینکنگ میں کوئی رد و بدل نہیں ہوا، بھارت کے روی چندرن ایشون کا پہلا نمبر برقرار ہے جبکہ انگلینڈ کے کرس ووکس 4 درجے ترقی کے بعد 20 ویں نمبر پر آگئے ہیں۔
یہ بھی پڑھیں : قومی فاسٹ بولر شاہین شاہ آفریدی نے اہم اعزاز اپنے نام کرلیا
ٹیسٹ رینکنگ میں ٹاپ 12 بولرز میں پاکستان کے واحد بولر شاہین شاہ آفریدی ہیں، جو 9وین پوزیشن پر موجود ہیں۔
