پاکستان تحریک انصاف (پی ٹی آئی) کے بانی عمران خان کی اہلیہ بشریٰ بی بی زمان پارک لاہور پہنچ گئیں۔
بشریٰ بی بی عمران خان سے اڈیالہ جیل میں ملاقات کے بعد لاہور روانہ ہوئی تھیں جو اب زمان پارک پہنچ گئی ہیں۔
یہ بھی پڑھیں بشریٰ بی بی کی رہائی، رانا ثنااللہ نے خواجہ آصف کے دعوؤں کی تردید کردی
ذرائع کے مطابق بانی پی ٹی آئی عمران خان نے بشریٰ بی بی کو زمان پارک پہنچنے کی ہدایت کی تھی، وہ اب وہیں قیام کریں گے۔
دوسری جانب بشریٰ بی بی کے زمان پارک پہنچتے ہی پولیس کی بھاری نفری بھی باہر پہنچ گئی ہے۔
واضح رہے کہ کچھ روز قبل عمران خان کی اہلیہ بشریٰ بی بی ضمانت پر رہا ہوئی تھیں، جس کے بعد انہوں نے کچھ روز پشاور میں قیام کیا۔
یہ بھی پڑھیں ’بشریٰ بی بی کے بعد عمران خان کی رہائی بھی جلد ہونے والی ہے‘
بشریٰ بی بی آج عمران خان سے ملاقات کے لیے پشاور سے راولپنڈی پہنچی تھیں اور اڈیالہ جیل میں اپنے شوہر سے ملاقات کی۔
