مقبوضہ کشمیر کی نامور اداکارہ حنا خان کینسر جیسے موذی مرض کا ڈٹ کر مقابلہ کررہی ہیں، جن کی ایک حالیہ ویڈیو سوشل میڈیا پر وائرل ہوئی ہے۔
حنا خان نے انسٹاگرام پر ایک ویڈیو شیئر کی ہے جس میں دیکھا جاسکتا ہے کہ وہ اپنی وگ کی کٹنگ کروا رہی ہیں، ویڈیو میں دیکھا جاسکتا ہے کہ حنا خان اپنے کمرے میں آئینے کے سامنے بیٹھی ہیں اور ایک حنا خان کی لمبی زلفیں تراش رہا ہے۔
یہ بھی پڑھیں: کینسر میں مبتلا کشمیری اداکارہ حنا خان کو اپنے والد کی نصیحتیں یاد آگئیں
ویڈیو میں حنا خان کو یہ کہتے سنا جاسکتا ہے کہ ’یہ میری خود کی زلفیں نہیں بلکہ وگ ہے، اس سے قبل دویش نے میری اپنی زلفیں کاٹی تھیں، اس مرتبہ یہ میری وگ کی اسٹائلنگ کررہے ہیں۔‘
View this post on Instagram
حنا خان نے کہا’یہ وگ میری خود کی زلفوں جیسی ہی ہے، زندگی میں نئی چیزوں کی کوشش کرتے رہنا چاہئے، کیا ہوا اگر میری خود کی زلفیں نہیں لیکن اسٹائلنگ تو کی جاسکتی ہے، فیشن ایبل تو رہا جاسکتا ہے۔
یہ بھی پڑھیں: ’ہر چیز تکلیف دہ لیکن مسکراہٹ ختم نہیں ہونی چاہیے‘ کینسر میں مبتلا اداکارہ حنا خان کا جذباتی پیغام
وگ کے بال کٹوانے کے بعد حنا خان آئینے میں اپنی نئی لُک دیکھ کر بے انتہا خوش ہیں اور کہتی ہیں کہ ’پکسی سے لیئرز، کوئی بات نہیں اپنے بھی آجائیں گے اور پھر ان میں یہی ہیئر اسٹائل لے لیں گے۔‘
یاد رہے کہ اداکارہ حنا خان نے حال ہی انکشاف کیا تھا کہ وہ چھاتی کے کینسر میں مبتلا ہیں اور بتایا کہ انہیں اسٹیج 3 کے کینسر کی تشخیص ہوئی ہے۔
ان کی حالیہ پوسٹ پران کے مداح ان کی ہمت کی داد دیتے ہوئے ان کی جلد صحت یابی کے لیے دعائیں بھی کررہے ہیں۔
