عوامی نیشنل پارٹی (اے این پی) کے سینیئر رہنما اور سابق سینیٹر زاہد خان نے پاکستان مسلم لیگ ن میں شامل ہونے کا فیصلہ کرلیا۔
یہ بھی پڑھیں اے این پی کو پارلیمنٹ سے دور رکھنے کی کوشش کامیاب نہیں ہونے دیں گے، زمرک خان اچکزئی
سینیئر سیاستدان نے نجی ٹی وی سے گفتگو کرتے ہوئے مسلم لیگ ن میں شمولیت کا فیصلہ کرنے کی تصدیق کی اور کہاکہ وزیراعظم شہباز شریف نے ٹیلیفون کرکے پارٹی میں شمولیت کی دعوت دی تھی۔
انہوں نے کہاکہ میں نے 2023 میں نواز شریف سے لندن میں ملاقات کی تو انہوں نے بھی کہا تھا کہ آپ مسلم لیگ ن میں شامل ہوجائیں۔
زاہد خان نے کہاکہ میں مزید سیاست نہیں کرنا چاہتا تھا لیکن وزیراعظم شہباز شریف نے اصرار کیاکہ آپ جیسے لوگوں کو سیاست کو الوداع نہیں کہنا چاہیے۔
یہ بھی پڑھیں جے یو آئی کے بعد اے این پی نے بھی ملک میں نئے انتخابات کا مطالبہ کردیا
انہوں نے کہاکہ اے این پی کی قیادت سے اختلافات کی وجہ سے اب مسلم لیگ ن میں شمولیت اختیار کرنے جارہا ہوں۔ ’زاہد خان کل مسلم لیگ ن میں شمولیت کا باضابطہ اعلان کریں گے‘۔
