چیئرمین پاکستان تحریک انصاف (پی ٹی آئی) بیرسٹر گوہر نے کہا کہ بانی پی ٹی آئی عمران خان سے اڈیالہ جیل میں اہم ملاقات ہوئی ہے، ان کی احتجاج کی کال فائنل ہے، کال آف والی بات ہی نہیں ہے۔
عمران خان نے احتجاج کی فائنل کال دی ہے اس لئے کال آف کا کوئی سوال ہی نہیں ،بیرسٹر گوہر pic.twitter.com/qSmnKW2VWz
— WE News (@WENewsPk) November 25, 2024
چیئرمین تحریک انصاف بیرسٹر گوہر نے بیرسٹر سیف کے ہمراہ اڈیالہ جیل کے باہر میڈیا سے گفتگو کرتے ہوئے کہا کہ احتجاج کال آف والی بات نہیں ہے، بانی پی ٹی آئی عمران خان نے کہا ہے کہ ان کی احتجاج کی کال بالکل فائنل ہے۔
مزید پڑھیں: ٹیکسلا: عمران خان، بشریٰ بی بی اور علیمہ خان سمیت پی ٹی آئی کی اعلیٰ قیادت کیخلاف مقدمہ درج
چیئرمین تحریک انصاف بیرسٹر گوہر نے کہا کہ بات چیت کے حوالے سے انشااللہ جلد بتائیں گے، ابھی نہیں بتا سکتے کہ کیا بات ہوئی ہے۔ تاہم، بیرسٹر گوہر نے بتایا کہ عمران خان کی ہدایت کے مطابق احتجاج جاری رہے گا۔
صحافی نے مذاکرات کے حوالے سے سوال کیا تو بیرسٹر گوہر نے کہا ہاں جی مذاکرات جاری ہیں، کسی پیشرفت کی صورت میں آپ کو بتائیں گے۔
یہ بھی پڑھیں: بانی پی ٹی آئی عمران خان کی آخری کال مس ہوگئی ہے، عظمیٰ بخاری
خیال رہے دونوں رہنماؤں بیرسٹر گوہر اور بیرسٹر سیف علی کی بانی پی ٹی آئی عمران خان سے ملاقات ڈیڑھ گھنٹہ جاری رہی۔ ملاقات کے بعد دونوں رہنما اڈیالہ جیل سے روانہ ہوگئے۔
