اسٹیٹ بینک آف پاکستان نے 10 روپے کے نوٹ کی بندش اور اسے تبدیل کرنے کی آخری تاریخ سے متعلق سوشل میڈیا پر گردش کرنے والی خبروں کو بے بنیاد قرار دیتے ہوئے واضح کیا ہے کہ کسی بھی مالیت کے نوٹ کو بند کرنے یا تبدیل کرنے کا تاحال کوئی حتمی فیصلہ نہیں کیا گیا۔
اسٹیٹ بینک کے مطابق نئے ڈیزائن کے کرنسی نوٹ جاری کرنے کی تجویز زیر غور ہے، تاہم اس حوالے سے مشاورت کا عمل جاری ہے اور معاملہ فی الحال وفاقی کابینہ کے زیر غور ہے۔
#SBP categorically refutes reports circulating on social media regarding the purported discontinuation of the Rs. 10 banknote and the last date for its exchange. The reports are baseless and have no substance.
SBP has submitted a proposal for the introduction of a new banknote… pic.twitter.com/KuxjWFzvTS
— SBP (@StateBank_Pak) September 17, 2026
مرکزی بینک نے واضح کیا ہے کہ نئے نوٹوں کے اجرا کی صورت میں کسی موجودہ مالیت کے نوٹ کو بند کرنے یا تبدیل کرنے کا فیصلہ باضابطہ طور پر عوام کو آگاہ کرکے کیا جائے گا۔
اسٹیٹ بینک کا کہنا ہے کہ اگر مستقبل میں کسی نوٹ کی تبدیلی یا بندش کا فیصلہ کیا گیا تو عوام کو پرانے نوٹ تبدیل کرانے کے لیے مناسب وقت دیا جائے گا۔
یہ بھی پڑھیں:اسٹیٹ بینک کے زر مبادلہ ذخائر میں 3 ارب ڈالر سے زائد اضافہ، مجموعی حجم 21.3 ارب ڈالر تک پہنچ گیا
مرکزی بینک نے عوام سے اپیل کی ہے کہ 10 روپے کے نوٹ سے متعلق گردش کرنے والی افواہوں پر توجہ نہ دیں اور کرنسی نوٹوں سے متعلق کسی بھی معلومات کے لیے صرف اسٹیٹ بینک کے سرکاری اعلانات پر بھروسا کریں۔
