بھارت میں جہاں آج کل شادی سیزن عروج پر ہے وہیں سوشل میڈیا سائٹ ایکس پر ایک تصویر وائرل ہوئی ہے جس میں دیکھا جاسکتا ہے کہ دلہا شادی کی رسومات کے دوران اپنے دوستوں کے ساتھ موبائل فون پر لڈو کھیلنے میں مصروف ہے۔
یہ بھی پڑھیں: اونٹ رے اونٹ تیری کون سی کل سیدھی، اس تصویر میں کیا چیز غائب ہے؟
یہ پوسٹ اب تک 4 لاکھ 65 ہزار سے زیادہ ویوز حاصل کرچکی ہے۔ تصویر میں دیکھا جاسکتا ہے کہ دلہا جس وقت لڈو کھیلنے مصروف ہے اس وقت وہاں فوٹوگرافر اور پنڈت بھی موجود ہیں۔
اس تصویر پر سوشل میڈیا صارفین کی طرف سے دلچسپ تبصرے دیکھنے میں آرہے ہیں۔
ایک صارف نے لکھا کہ ’بنگالی شادی ہونے کے سبب دلہا کوذمہ دار نہیں ٹہرایا جاسکتا کیونکہ یہ شادیاں کئی روز تک جاری رہتی ہیں‘۔
ایک اور صارف نے پھبتی کسی کہ ’یہ دلہا مستقبل میں اپنے بچوں کواس عمل کی کیا وضاحت دے گا‘۔
مزید پڑھیے: سوئزرلینڈ کی خودکشی مشین متنازع کیوں بنی؟
ایک خاتون نے کمنٹ کیا کہ ’اگر میں دلہن ہوتی تو یہاں سے بھاگ لیتی جبکہ دوسرے صارف نے لکھا کہ’ہرموقعے کی اپنی روایات ہوتی ہیں اور ان کی پاسداری کی جانی چاہیے‘۔
بھارت میں شادیوں کا سزین گزشتہ ماہ شروع ہوا اوریہ دسمبر کے تیسرے ہفتے تک جاری رہنے کا امکان ہے۔ ایک اندازے کے مطابق اس سیزن میں 48 لاکھ شادیاں ہوں گی اور تقریبات سے منسلک کاروباری سیکٹر کو 6 لاکھ کروڑ کی آمدنی ہوگی۔
