سیکیورٹی فورسز نے خیبرپختونخوا کے مختلف علاقوں میں دہشتگردوں کے خلاف کارروائیاں کرتے ہوئے فتنہ الخوارج کے 22 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے 3 الگ الگ کارروائیوں میں دہشتگردوں کو ہلاک کیا۔
یہ بھی پڑھیں شمالی وزیرستان؛ فائرنگ کے تبادلے میں 6 فوجی جوان شہید جبکہ 3 دہشتگرد ہلاک، آئی ایس پی آر
فوج کے شعبہ تعلقات عامہ نے بتایا کہ سیکیورٹی فورسز نے خیبرپختونخوا کے ضلع ٹانک کے علاقے گل امام میں خفیہ اطلاعات کی بنیاد پر آپریشن کرتے ہوئے 9 دہشتگردوں کو ہلاک کیا، جبکہ 6 زخمی ہوئے۔
آئی ایس پی آر کے مطابق سیکیورٹی فورسز نے دوسری کارروائی شمالی وزیرستان میں کی، جہاں 10 دہشتگرد ہلاک کیے گئے۔
فوج کے شعبہ تعلقات عامہ نے بتایا کہ سیکیورٹی فورسز کی جانب سے تیسری کارروائی ضلع تھل میں کی گئی۔
آئی ایس پی آر کے مطابق سیکیورٹی فورسز کی اس کارروائی کے دوران دہشتگردوں کے ساتھ فائرنگ کا تبادلہ ہوا، اس دوران 3 دہشتگردوں کو ہلاک کیا گیا، جبکہ پاک فوج کے 6 جوان بھی اس میں شہید ہوگئے۔
آئی ایس پی آر نے بتایا کہ علاقے میں کسی بھی دہشتگرد کے خاتمے کے لیے کلیئرنس آپریشن جاری ہے۔
یہ بھی پڑھیں سیکیورٹی فورسز کا مستونگ میں خفیہ آپریشن، 3 دہشتگرد ہلاک، 3 زخمی: آئی ایس پی آر
فوج کے شعبہ تعلقات عامہ کے مطابق پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
