وفاقی وزیر خزانہ محمد اورنگزیب کا کہنا ہے کہ اسلامی مالیاتی نظام پر منتقلی کے سفر میں سب کو مل کر چلنا ہے، شرعی اصولوں پر مرتب پروڈکٹ سے صارف کا اعتماد حاصل کرنا ہے۔
یہ بھی پڑھیں:شہباز شریف کے پاس جادو کی چھڑی نہیں، کام کیا ہے، مریم اورنگزیب
کراچی میں تقریب سے خطاب کرتے ہوئے وفاقی وزیر خزانہ نے کہا کہ ہماری پیش رفت اچھی ہے، اسلامی کانفرنس کے انعقاد پر ایس ای سی پی، ائیوفی، اسلامک ڈیولپمنٹ کو مبارکباد پیش کرتا ہوں۔
وفاقی وزیر خزانہ محمد اورنگزیب نے کہا کہ حکومت کو سکوک کے ذریعے سود سے پاک قرض مل سکتا ہے، دنیا میں ویلیو فنانشل خدمات کی مانگ بڑھ رہی۔ اسلامی کیپٹل کانفرنس حکومت کا مالی نظام شریعہ اصولوں پر منتقل کرنے کا عزم ہے۔
وفاقی وزیر خزانہ نے کہا کہ معاشی چیلنجز درپیش تھے انہیں حل کیا ہے، ہماری معاشی سمت درست ہے۔ ایس ای سی پی ریگولیٹری ماحول فراہم کر رہا ہے، ایس ای سی پی کی توجہ شعبے کی صلاحیت بڑھانے پر بھی ہے۔
