وفاقی وزیر برائے منصوبہ بندی و ترقی احسن اقبال نے سابق وزیراعظم عمران خان پر شدید تنقید کرتے ہوئے الزام عائد کیا ہے کہ انہوں نے مجھے چور کہا تھا، جس پر دعا کی تھی کہ جھوٹا الزام لگانے والا ’ذلت کی مثال‘ بن جائے، آج عمران خان خود اڈیالہ جیل میں ‘ذلت کی مثال’ بنے ہوئے ہیں۔
یہ بھی پڑھیں:بانی پی ٹی آئی کی رہائی کا واحد حل عدالتوں میں ہے، احسن اقبال
نارووال میں ایک تقریب سے خطاب کرتے ہوئے احسن اقبال نے سوشل میڈیا پرعمران خان کی ایک پوسٹ کا حوالہ دیتے ہوئے کہا کہ عمران خان نے مجھے اپنی ایک ’ایکس ‘ سابق ٹویٹرپوسٹ میں چور کہا تھا، تب میں نے عہد کیا تھا اور دُعا کی تھی کہ اگر میں نے اس ملک سے کوئی چوری کی ہے تو اللہ مجھے تباہ کر دے اور اگر یہ الزام جھوٹا ہے تو الزام لگانے والے کو اللہ مثال بنا دے، آج جب عمران خان اڈیالہ جیل میں بیٹھے ہیں تو یہ ان کے لیے ایک سبق ہے۔
مزید پڑھیں:پی ٹی آئی نے اسلام آباد پر چڑھائی کی کوشش کی تو سختی سے نمٹا جائے گا، احسن اقبال
احسن اقبال نے عمران خان کے دور حکومت کو تنقید کا نشانہ بناتے ہوئے ان کے ترقی کے دعوؤں پر سوال اٹھائے اور کہا کہ میں پی ٹی آئی کے حامیوں سے پوچھتا ہوں کہ کیا عمران خان آپ کے مہاتما تھے؟ 4 سالوں میں، وہ سیاہ اور سفید دونوں کے مالک بن گئے اور کوئی پوچھنے والا نہیں تھا۔
احسن اقبال نے کہا کہ کیا کوئی کسی یونیورسٹی، اسپتال یا موٹر وے کا نام بتا سکتا ہے؟ نہيں! اس نے صرف مفت باورچی خانے کھولے، ملک بھر میں کھولے گئے 29 باورچی خانوں کو حکومت نے نہیں بلکہ کراچی کی ایک این جی او ’سیلانی فاؤنڈیشن‘ فنڈنگ کرتی تھی، حکومت نے صرف اس کی منظوری پر مہر لگائی۔
یہ بھی پڑھیں:عمران خان کو فیض حمید سے متعلق خوف فطری بات، این آر او حاصل کرنا چاہتے ہیں، احسن اقبال
انہوں نے کہا کہ عمران خان کے دور حکومت کے برعکس احسن اقبال نے نارووال کی ترقی کے حوالے سے کہا کہ آج نارووال علم پھیلانے والا ضلع بن چکا ہے۔ دوسرے شہروں سے لوگ یہاں تعلیم حاصل کرنے آتے ہیں۔ یہاں اسپتال اعلیٰ درجے کا ہے اور ایک میڈیکل کالج بھی قائم کیا گیا ہے، اگلے سال ہم ایک زرعی کالج بھی کھول رہے ہیں۔
