پنجاب کے بعد سندھ میں بھی سردیوں میں طلبہ کے لیے ڈریس کوڈ میں نرمی کردی گئی ہے۔
ڈائریکٹوریٹ آف پرائیویٹ انسٹی ٹیوشن سندھ نے نجی اسکولز کو مراسلہ جاری کیا ہے کہ بچوں کی صحت کے لیے سردی سے بچاؤ کے اقدامات میں تعاون کیا جائے، سردی میں طلبہ جو گرم کپڑے پہن سکتے ہیں، انہیں اس کی اجازت دی جائے۔
یہ بھی پڑھیں: پنجاب اور سندھ کے تعلیمی اداروں میں موسم سرما کی تعطیلات کا اعلان
مراسلے میں کہا گیا کہ سردیوں کے دوران نجی اسکولز کی جانب سے طلبہ کے یونیفارم میں نرمی برتی جائے، بچوں کی صحت کی خاطر سردی سے بچاؤ کے اقدامات میں ان کے ساتھ تعاون کیا جائے۔
مراسلے میں مزید کہا گیا ہے کہ اسکول کی کلاسز میں بھی سردی کے بچاؤ کے ہر ممکن اقدامات کیے جائیں۔
یہ بھی پڑھیں: خیبر پختونخوا کے تعلیمی اداروں میں موسم سرما کی تعطیلات کا شیڈول جاری
واضح رہے کہ 2 روز قبل محکمہ تعلیم پنجاب نے بھی صوبے کے سرکاری اور نجی اسکولوں کے لیے ایک نوٹیفکیشن جاری کیا جس میں کہا گیا تھا کہ موسم سرما کے دوران نجی و سرکاری اسکولوں کے طلبہ کسی بھی رنگ کی جرسی، سویٹر یا جیکٹ پہن سکتے ہیں۔
