اسپیکر قومی اسمبلی سردار ایاز صادق نے حکومت اور پاکستان تحریک انصاف کی مذاکراتی کمیٹیوں کا تیسرا اجلاس 16 جنوری کو طلب کرلیا۔
میڈیا رپورٹس کے مطابق حکومت اور پی ٹی آئی کی مذاکراتی کمیٹیوں کے درمیان اجلاس پارلیمنٹ ہاؤس کے کمیٹی روم نمبر 5 میں دن ساڑھے گیارہ بجے ہوگا۔
یہ بھی پڑھیں حکومت پی ٹی آئی مذاکرات: عمران خان نے نئی شرط عائد کردی
میڈیا رپورٹس کے مطابق مذاکراتی کمیٹیوں کے درمیان ہونے والا اجلاس ان کیمرہ ہوگا۔ اس سے قبل اجلاس 15 جنوری کو طلب کیا گیا تھا، تاہم بعد میں تاریخ اور وقت میں ردوبدل کردیا گیا۔
واضح رہے کہ اس سے قبل مذاکراتی کمیٹیوں کے درمیان بات چیت کا دوسرا دور 2 جنوری کو ہوا تھا، تاہم اس میں پی ٹی آئی نے تحریری طور پر اپنے مطالبات پیش نہیں کیے تھے۔
حکومت کی مذاکراتی کمیٹی نے 23 دسمبر کو ہونے والے پہلے اجلاس میں پی ٹی آئی کی مذاکراتی کمیٹی سے مطالبہ کیا تھا کہ آپ اپنے تمام مطالبات تحریری طور پر پیش کریں۔
یہ بھی پڑھیں حکومت پی ٹی آئی مذاکرات میں اسٹیبلشمنٹ حصہ نہیں، محمد علی درانی
اب پاکستان تحریک انصاف کے بانی عمران خان نے اپنی پارٹی کو اجازت دے دی ہے کہ وہ حکومت کی مذاکراتی کمیٹی کو اپنے مطالبات تحریری طور پر پیش کردیں۔
