پاکستان شوبز انڈسٹری کی معروف اداکارہ ماورا حسین نے ساتھی اداکار امیر گیلانی سے نکاح کر لیا۔
فوٹوز اینڈ ویڈیوز شیئرنگ ایپ انسٹاگرام پر ماورا حسین نے اپنے نکاح کی تصاویر شیئر کیں جس میں وہ دلہن بنی بے حد خوبصورت نظر آ رہی ہیں، اداکارہ نے تصاویر کے کیپشن میں 5 فروری کی تاریخ درج کرتے ہوئے بسم اللہ لکھا۔
انہوں نے مزید لکھا کہ ’بالاخر اس ہنگامے کے دوران میں نے آپ کو حاصل کرلیا‘۔ ساتھ ہی انہوں نے ہیش ٹیگ کا استعمال کرتے ہوئے لکھا کہ ماورا امیر ہو گئی‘۔’
View this post on Instagram
شیئر کی گئی تصاویر کو صارفین کی جانب سے خوب پسند کیا جارہا ہے۔ مداح اور شوبز ستارے انہیں مبارکباد دیتے نظر آ رہے ہیں۔
اس جوڑی کو 2020 میں آن ایئر ہونے والے ڈرامے ثبات اور پھر 2023 میں آن ایئر ہونے والے ڈرامے نیم میں بے حد پسند کیا گیا تھا۔
