امریکی صدر ڈونلڈ ٹرمپ کے قریبی ساتھی، معروف بزنس اور محکمہ برائے حکومتی کارکردگی (DOGE) کے نگران ایلون مسک نے وفاقی ملازمین سے ایک ہفتے کی کارکردگی رپورٹ طلب کرلی، اور رپورٹ جمع نہ کروانے والے ملازمین کو مستعفی ہونے کا مشورہ دیا ہے۔
Consistent with President @realDonaldTrump’s instructions, all federal employees will shortly receive an email requesting to understand what they got done last week.
Failure to respond will be taken as a resignation.
— Elon Musk (@elonmusk) February 22, 2025
امریکا کے وفاقی ملازمین کو ہفتے کے روز ایک ای میل موصول ہوئی جس میں انہیں ہدایت کی گئی کہ وہ گزشتہ ہفتے میں کی گئی 5 چیزوں کو دستاویز کریں۔
انہوں نے میل میں وفاقی ملازمین پر واضح کیا ہے کہ جو ملازمین جواب نہیں دیں گے وہ اپنی ملازمتوں سے محروم ہو جائیں گے۔
یہ بھی پڑھیں:یو ایس ایڈ مجرم تنظیم ہے، اس کے ’مرنے‘ کا وقت ہوا چاہتا ہے، ایلون مسک
وفاقی ملازمین کو موصول ہونے والی ’آفس آف مینجمنٹ اینڈ بجٹ‘ کی ای میل میں سبجیکٹ لائن شامل تھی، ’آپ نے پچھلے ہفتے کیا کیا؟‘۔
ایلون مسک کی جانب سے بھیجی گئی میل میں ملازمین کو ہدایت کی گئی ہے کہ وہ کسی بھی خفیہ معلومات کو چھوڑ کر گزشتہ ہفتے میں انہوں نے جو کچھ کیا ہے، اس کا 5 بلٹ پوائنٹس کے ساتھ جواب دیں۔ اسی کے ساتھ انہوں نے ملازمین کو یہ ہدایت بھی کی ہے کہ وہ اپنے جوابات OMB ای میل ایڈریس اور اپنے سپروائزر کو بھیجیں۔
یہ بھی پڑھیں:ایلون مسک کی کمپنی ایکس اے آئی نے نیا چیٹ بوٹ گروک3 لانچ کردیا
امریکی محکمہ برائے حکومتی کارکردگی (DOG) کے نگراں ایلون مسک نے سوشل میڈیا پلیٹ فارم ’ایکس‘ پر اپنی پوسٹ میں کہا ہے کہ ’ ای میل کا جواب دینے میں ناکام رہنے والوں کو ان کا استعفیٰ تصور کیا جائے گا‘۔
ایلون مسک نے اپنی پوسٹ میں واضح کیا ہے کہ ’یہ فیصلہ صدر ٹرمپ کی ہدایات کے مطابق ہے‘۔
واضح رہے کہ وفاقی ملازمین کے نام ایلون مسک کی ای میل کا جواب دینے کی آخری تاریخ پیر کی نصف شب تک ہے۔ تاہم کم از کم امریکا کی 2 ایجنسیوں نے اپنے ملازمین سے کہا ہے کہ وہ درخواست کو نظر انداز کریں اور جواب نہ دیں۔
