سب کی نظریں چیمپیئنز ٹرافی کے انتہائی فائنل پر لگی ہوئی ہیں، کیونکہ شائقین کرکٹ اور ماہرین اس میچ کا بے صبری سے انتظار کررہے ہیں۔ اہم میچ سے پہلے بھارتی ٹیم نے 3 دن کے آرام کے بعد جمعہ کی شام دبئی میں آئی سی سی اکیڈمی میں دوبارہ ٹریننگ شروع کی۔
یہ بھی پڑھیںچیمپیئنز ٹرافی فائنل:انڈیا کو بڑا دھچکا، اسٹار بلے باز ویرات کوہلی زخمی
بھارت کے کلیدی بلے باز بشمول روہت شرما، شمبھن گل اور ویرات کوہلی وسیع بیٹنگ سیشنز میں مصروف رہے، اور اس دوران ہوا کے حالات میں اسپنرز اور پیسر دونوں کا سامنا کیا۔ اسی دوران ویرات کوہلی گھٹنے کے قریب گیند لگنے سے معمولی سے زخمی بھی ہوئے۔
علاوہ ازیں بھارتی ٹیم کے ہاردک پانڈیا، کے ایل راہول اور رویندر جڈیجا جیسے پاور ہٹرز نے باؤنڈری سے آگے طاقتور ہٹ کی مشق پر توجہ دی۔
بولنگ کے محاذ پر ہندوستانی اسپنر ورون چکرورتی نے اپنا زیادہ تر وقت فیلڈنگ مشقوں کے لیے وقف کیا، انہوں نے مختلف شعبوں میں اپنی پوزیشننگ اور چستی پر کام کیا۔
یہ بھی پڑھیں:چیمپیئنز ٹرافی، بھارت بمقابلہ نیوزی لینڈ فائنل میں وکٹ کیسی ہوگی؟ فیصلہ ہوگیا
تربیتی سیشن سے پہلے بھارت کے بیٹنگ کوچ سیتانشو کوٹک نے ان دعوؤں کو مسترد کردیا کہ ان کی ٹیم دبئی میں ’ہوم ایڈوانٹیج‘ رکھتی ہے۔ ان کا کہنا تھا کہ یہاں فائدہ نام کی کوئی چیز نہیں ہے۔ جیت کا انحصار کارکردگی پر ہوتا ہے، اگر ہم اچھا کھیلتے ہیں تو جیت جاتے ہیں، اگر ہم نہیں کرتے تو ہم ہار جاتے ہیں۔ یہ کہنا کہ دبئی میں ہمارا فائدہ ہے، بے بنیاد ہے۔
